Telegram, l’alternativa a o Whatsapp, ya ye en aragonés.

Softaragonés presienta ista ferramienta o diya d'a luenga materna

CapturaL’equipo de treballo de Softaragonés nos ofreix hue una nueva fita pa l’aragonés: plegar en l’ambito d’os dispositivos mobils, y amás, en una d’as aplicacions que os usuarios en fan un un emplego mas freqüent y cutiano: a mensachería instantania.

Dende hue podemos fer servir a versión en aragonés de l’aplicación Telegram, compilada por o propio equipo de Softaragonés, y que se puede instalar dreitament dende a suya pachina web (http://www.softaragones.org/descargas/Telegram-an.apk). Ista aplicación ye disponible en toda mena de telefonos y tabletas con o sistema operativo Android. Os usuarios de iOS habrán d’aguardar por agora.

Se da a circumstancia que Telegram ha dau prou notorio en os medios de comunicación entre istas zagueras semanas como alternativa mas segura y rapida a o Whatsapp, y que chusto ahiere, se dio a conoixer a voluntat de Facebook de crompar Whatsapp que, a lo menos dica agora, ye l’aplicación mas emplegada en mensachería instantania entre dispositivos mobils.

Ista presentación tamién coincide con o Día Internacional d’a Luenga Materna, que se celebra totz o 21 de febrero pa promover a conoixencia y d’a diversidat cultural y o plurilingüismo. En Aragón s’ha programau buena cosa d’actos y campanyas pa celebrar-lo y fer visible a situación d’as nuestras luengas.

3 Rispuestas a Telegram, l’alternativa a o Whatsapp, ya ye en aragonés.

  1. Pingback: Telegram, l’alternativa a o Whatsapp, ya ye en aragonés » AraInfo

  2. ¿¿¿Y as actualizazions??? Desde que la instalé no he recibido ninguna…

  3. Buena nueit Toño, yeranos parando una actualización, pero somos aguardando porque en qüestión de días podremos fer servir l’aragonés dende l’aplicación oficial, con o qual tot o tema d’actualizacions se fará automaticament.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.