Tercera edición d’o SLAP! Festival en Zaragoza

A mosica afroamericana invade o cabo de semana con conciertos y una ripa d'actividatz en o camping municipal de Zaragoza en a tercera edición d'o SLAP! Festival

O verano se despide mosical en Zaragoza con a tercera edición d’o SLAP! Festival, que se celebrará en a ciudat d’o cierzo (que en primeras no pareixe estar-ie convidau) en o camping municipal os diyas 7, 8 y 9 de setiembre. Un fascal d’actividatz, jam sessions, procheccions de cine d’os 60 y 70, dj’s, mercadet, exhibicions, clases de baile… y conciertos o viernes y sabado con una buena selección de collas de mosica afroamericana (funk, R&B, soul, afrobeat, jazz, etc).

I habrá bells scenarios mientres os 3 diyas. Amás d’a carpa de conciertos as nueitz d’o viernes y sabado dende as 21 h., se cuenta con un chicot scenario chunto a la piscina a on i habrá mosica de dj’s de maitins y tardes, y a carpa de cine a on se prochectarán as peliculas.

O viernes prencipiará con blues, rock y R&B os conciertos de Slick Trio, The Clams, 7 Pulgadas All Star, Boney Fields y actuación posterior de Dj. Funkforward. O sabado de maitins y tardes i habrá cine, mercadet, clases de baile, jam session y audicions de dj’s ta continar de nueitz con mosica funk, jazz y reggae d’as collas The Bronson, Pyramid Blue, Irregular Roots, Shaolin Temple Defenders y a borina post-concierto con Dj. Chelis & Ra Malone. O domingo se zarrará o festival con cine y dj’s de maitins.

L’abono d’o festival puede pillar-se con aloix en o camping (acampada u bungalow) u sin dormir astí. As dentradas sin fer-ie nueit son de 25 € anticipada t’os 3 diyas. Amás os ninos y ninas dica 14 anyos alcompanyaus podrán dentrar-ie de baldes y as personas esqueferadas tendrán una botifuera de 5 € presentando a tarcheta de l’ature. Mas información sobre as dentradas y o festival en a pachina web d’o mesmo.

 

Una rispuesta a Tercera edición d’o SLAP! Festival en Zaragoza

  1. Pingback: Tercera edición d’o SLAP! Festival en Zaragoza | AraInfo | Achencia de Noticias d´Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.