Teruel celebra o Sermón d’as Tortiellas

Como cada martes de Pascua, a población teruelana celebra una d'as suyas fiestas mas antigas, o Sermón d'as Tortiellas, una fiesta de caracter popular

Fuente_cerrada-05

Fuent Zarrada. Foto: www.rinconesdeteruel.es

Hue 2 d’abril, como cada martes de Pascua, Teruel celebra o Sermón d’as Tortiellas, y ta celebrar-lo, os teruelanos y teruelanas se’n irán a chentar ta zonas verdas arredol d’a ciudat, en puestos ya tipicos como Fuent Zarrada, Fuent Carrasco u qualsiquier atro puesto u casa particlar, por o que o casco urbano de Teruel se quedará quasi disierto.

L’orichen d’a fiesta data d’a Edat Meya, quan o martes de Pascua de cada anyo se trigaban os cargos en o concello y se feba una brenda. Amás se pronunciaba un sermón, o qual ya no se diz. Agora nomás a población va a chentar ta las zonas verdas d’arredol con a familia u amigos. De menú, tortiellas, ensaladas, pizca rustida y a rosca de pascua, postre tipico d’istos diyas en a ciudat que ye una coca con un uego cueto en o centro. A rosca ha de minchar-se recient feita.

En previsión de que puedan quedar repuis de vasuera arredol d’os contenedors, o concello teruelano ha ixamplau a cantidat de contenedors de vasuera t’a chornada festiva en as esferents zonas d’afluyencia.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.