Teruel celebró “A marcha de Diago” iste cabo de semana

Se fa por primer anyada enamplando os actos arredol d'a leyenda d'os amants.

Imachen d'as Bodas d'IsabelA leyenda d’os amants de Teruel, Diago y Isabel, torna a fer salir t’a carrera a buena cosa de teruelanos. A Fundación Bodas de Isabel ha organizau por primer anyada “A marcha de Diago”, una representación d’ixa parti d’a historia, no representada en “as bodas” que se gosan fer ta febrer.

En iste caso, a representación charra d’os diyas que Diago decide de marchar t’a guerra a fer fortuna y asinas poder fer casorio con Isabel. Diago ye nombrau caballer por o Rei Pietro II y contino, marcha de Teruel. Isabel remane en a ciudat asperando que pasen antis con antis as cinco anyadas. A fin d’a historia será representada, como todas as anyadas iste febrer. Os actors, que facioron d’a parella estioron os mesmo que ya les heban representau en as bodas de l’anyada pasada.

Antimás d’a representación teyatral, Teruel tornó t’o sieglo XIII por un atro cabo de semana, habendo-ie actuacions mosicals, mercau meyebal y mesmo un campamento de guerrers que o domingo marchoron ent’a baralla d’as Navas de Tolosa.

O Concello de Teruel y a Fundación han dito estar muito contentos con o resultau, tanto por a participación d’a chent como por a cantidat de personas que vinioron de difuera de Teruel. Encara que pareixe esclatero que a fiesta se tornará a fer, encara no se sabe si será todas as anyadas, como “As Bodas” u tendrá bella atra periodicidat.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.