Teruel podría quedar-se sin a titulación de Psicolochía

A de Sciencia de l'Actividat fisica y lo esporte, en Uesca, tamién ye en periglo por a Universidat de Sant Chorche

Logo de la Universidad de ZaragozaA tamás de que, dende que s’autorizó a creyación d’a Universidat de Sant Chorche, se dició que no bi habría duplicidat de titols con a Universidat Publica aragonesa, ya bi ha habiu más d’un titol que s’imparte en as dos.

Agora, a universidat privada quiere prencipiar a ufrir os graus de Psicolochía y Sciencias de l’Actividat Fisica y o Esporte. A primera se puet fer agora mesmo en o Campus de Teruel y a segunda se leva fendo muitas anyadas en o de Uesca. Seguntes a Universidat Publica as dos serían en serio risque de autorizar o Gubierno a implantación d’istos graus en a USJ. En o caso de Teruel, agora mesmo a demanda d’a carrera ye prou ta continar fendo-la, pero cubre chusto la ufierta. De prencipiar a fer-se o grau en a privada, fuents universitarias creyen que “a competencia la deixaría en una situación muito dificil”.

O caso de Uesca no ye tan grau en primeras. As listas d’aspera, a cantidat de chent que cursa a carrera y as mayors facilidatz en as comunicacions entre Zaragoza y Uesca son avantallas. Con tot y con ixo, o Rectorau d’a Universidat de Zaragoza, crei que “a meyo u largo plazo sí podría estar afectada”.

D’istas dubdas y inquietutz en han dau treslada, tanto a lo Gubierno como a la propia entidat privada. De man d’a USJ asperan que o Gubierno les autorice a impartir as titulacions y creyen que a Universidat publica “ha de fer-se-ne d’a excelencia y a calidat y no pas d’a competencia”. Dolores Serrat, consellera d’Educación, aseguró que a decisión “encara no ye presa” encara que tienen totz os informes favorables” y que “a competencia no ye territorial sino cheneral y queremos universidatz con excelencia”.

Una rispuesta a Teruel podría quedar-se sin a titulación de Psicolochía

  1. Ixo! Toz ta Zirigoza que en Teruel sobra chen ….

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.