Teruel ubre as piscinas o viernes

As tres piscinas continarán ubiertas dica o 31 d'agosto.

Iste viernes os teruelanos podrán foter-se a primer capuzadeta d’o verano en as piscinas d’a ciudat. Sant Fernando, Sant León y “Los Planos” ubrirán as suyas puertas dende as 11 dica as 20 totz os diyas d’a semana. Nomás zarrarán, como atras anyadas, os diyas 7,8 y 9 de chulio por as fiestas d’a ciudat.

As tarifas son trestalladas en dos collas. D’una man, estudiants de menos de 25 anyadas y pensionistas. D’atra, a resta de chent. A dentrada ta un diya ye de 2,60 u 3,40 pendendo d’a colla. Os abonos de 10 pases valen 19 y 27,40 euros. Tamién se pueden mercar abonos de 20 y 30 dentradas u mesmo ta toda a temporada. Istos zaguers tienen un pre de 47,10 euros u 68,50 y bi ha botifueras t’os abonaus t’a piscina climatizada y parentalla a partir d’o segundo miembro.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.