Tierratremo politico en Austria

Os ecolochistas ganoron a presidencia de Austria a la ultra dreita en o zaguer momento. Pero lo Tribunal Constitucional d´a republica alpina ha dito que cal celebrar unatra vegada a segunda tongada d'as eleccions iste agüerro dimpuesas que se veyesen bellas irregularidatz en o recuento de votos denunciadas per a perdedora extrema dreita.

FOTO ELECCIONS AUSTRIA

 

Os ecolochistas ganoron a presidencia de Austria a la ultra dreita en o zaguer momento. Pero lo Tribunal Constitucional d´a republica alpina ha dito que cal celebrar unatra vegada a segunda tongada d’as eleccions iste agüerro dimpuesas que se veyesen bellas irregularidatz en o recuento de votos denunciadas per a perdedora extrema dreita.

O domingo 22 de mayo, Austria vivió un d’os dias politicos mes tensos y anguniosos que se remeran en ixe país. En un prencipio pareixeba vencedor o candidato populista Norbert Hofer con un 51,9% d’os votos. Pero encara quedaba per recontar o voto per correu que representaba quasi o 14% d’o total con mes de 700.000 papeletas. Caleba aguardar.

A primera tongada d’istas eleccions presidencials celebrada o pasau 24 d’abril provocó un tierratremo politico sin de precedents. Per primer vegada dende a II Guerra Mundial, ni os socialdemocratas ni os democristianos, que actualment forman un Gubierno de gran coalición, no aconsiguioron que os suyos candidatos estasen en a segunda tongada d’as eleccions. Ya estase per o fastio enta la clase politica, u perque a economía no creixe como s’asperaba, u por a crisis d’os refuchiaus, a sociedat austriaca se dividió en dos metatz quasi identicas, una que emparaba a l’ultranacionalista y xenofobo Norbert Hofer y unatra que feba lo mesmo respective a l’independient pero emparau por os ecolochistas Alexander Van der Bellen.

Hofer, euroesceptico, refusa o concepto d’una Europa federal y cada vegada mes integrada y, asinas renacionalizar competencias europeas y reforzar o control d´as mugas. En contra, Van der Bellen criticaba la falta de capacidat europea pa actuar en tiempos de crisi, esfendeba que os problemas transnacionals tamién amenistan respuestas europeas, yera por tanto a favor de derogar os posibles vetos d’os Estaus miembro, emparar una Europa con un rayo d’acción mes amplio y esfender un paper mes solidario y activo d’Austria en l’ambito europeu.

O partiu de Hofer, que heba perdiu as elecciones per 31.000 votos d’as papeletas per correu, recorrió a o Tribunal Constitucional bellas irregularidatz en o recuento, como que os sobres s’ubrisen o mesmo dia d’as eleccions y no o siguient dia como diz a lei, o que a Comisión Electoral no contase totz os votos sino que fació una preselección. Asinas que o Tribunal ha dictaminau que cal repetir ista segunda tongada d’as votacions en agüerro.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.