“Toma la memoria”, chornadas sobre luitas socials en La Pantera Rossa

Charradas, videoforums y exposicions feran repensar a memoria d'as luitas socials en Aragón en a guerra espanyola y a posguerra

Prencipian as chornadas “Toma la memoria” en o C.S. La Pantera Rossa de Zaragoza, en un “esfuerzo colectivo ta liberar a memoria y a movilización social”. Tota ista semana y dica o 30 de setiembre bi’n habra charradas, exposicions y videoforums sobre a luita social y politica en Aragón mientres que a guerra civil espanyola y a posguerra.

Dentre as proposas d’o programa destacan charradas sobre os ninos furtaus en o franquismo, as colectividatz anarquistas en Aragón y a suya vinculación con luitas posteriors u as rilacions dentre o faxismo d’os anyos 30 con l’actual faxismo en a Europa neoliberal. Totas as actividatz d’as chornadas son de dentrada libre y en o mesmo centro social d’a carrera Sant Vicent de Paul de Zaragoza, se podra veyer a exposición “L’exilio d’os republicans aragoneses en Francia” y “L’exilio cientifico, cultural y politico”.

En a organización d’as chornadas han partecipau tamien l’Asociación aragonesa de recuperación d’a memoria historica y o periodico Diagonal.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.