Torna l’aire en a Ribagorza y complica a extinción de l’incendio en Castanesa

L'incendio, seguntes o gubierno, ye estabilizau, y han puesto tornar ta casa suya vecins de Senyiú y Neril

O fuego torna en Comadelo (Foto: mcpala5)

O fuego torna en Comadelo (Foto: mcpala5)

L’aire ha tornau ta la zona de Castanesa ista nueit y as previsions endican que no s’aturará, encara que sí que afloixará. En tot caso, o gubierno diz que a lo menos l’incendio ye “estabilizau” y luén d’os lugars habitaus a os que han puesto tornar bells vecins, pero encara no totz. Por l’inte, han puesto tornar ta casa suya os vecins de Senyiú y Neril. Seguntes os datos d’o Gubierno, l’incendio ha cremau entre 1.100 y 1.200 hectarias, encara que atras fuents calculan arredol d’as 1.600.

Tamién s’ha puesto reubrir a carretera N-260. Entre que afloixa l’aire, os helicopteros antiincendios preban de controlar o fuego, que encara que ha rebilcau en bellas zonas, no s’ha estendillau ista nueit.

Estet, ista nueit

Estet, ista nueit

En l’operativo d’iste domingo triballan atra vegada más de 300 presonas. I hai tres hidroaviones d’o Ministerio, tres collas helitransportadas d’o Gubierno (Alcorisa, Penyalba y Exeya), un helicoptero bombardero Kamov, una brigada d’intervención rapida de Ruente (Cantabria), una brigada d’intervención rapida con siede en Daroca, una coya proveyida con helicoptero procedent de Castellón, dos helicopteros d’a UME (un d’extinción y un segundo de coordinación), seis collas terrestres (Ayerbe, Semontano, Calatayú, Planizar, Os Mallos y Alto Matarranya) y cinco autobombas d’o Gubierno.

Encara son difuera d’os suyos lugars vecins de Castanesa, Benifons, Ardanui, Noales, Erberá, Llagunas, Ribera, Ardanué, Fonchanina, Denui, Carots y Xiscarri, perteneixients a os municipios de Montanui y de Las Pauls.

3 Rispuestas a Torna l’aire en a Ribagorza y complica a extinción de l’incendio en Castanesa

  1. O mon se crema, a yo me crema o corazòn. Mi almiraciòn, ta los bombers que luitan contra ixas flamas.

  2. que plegue a plevia

    Cal prencipiar a respectar una mica os dreitos d’os treballadors d’os retens d’incendios, prou de contractos de quatro meses, bi ha que fer tot o posible ta profesionalizar o sector.

  3. Pingback: Más de 300 presonas marchan por a Ribagorza contra la linia d’alta tensión | AraInfo | Achencia de Noticias d´Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.