Torna t’a Madalena a Ruta de Tapeo Vegano y vechetariano

Por 2 euros se podrán tastar una tapa y una bebida. En ista tercer edición prenen más protagonismo as opcions veganas

A Flama ye un d'os bars d'a ruta (Foto: Arainfo)

A Flama ye un d’os bars d’a ruta (Foto: Arainfo)

Iste sabado torna la Ruta d’o Tapeo Vegano y vechetariano t’o vico d’a Madalena. Dimpués de l’exito d’as anteriors edicions con una gran participación de chent y con un gran ran en a calidat d’as tapas, ista Ruta, en a suya tercer edición, se consolida como una d’as propuestas culinarias más intresants de Zaragoza. Mesmo s’ha levau t’atros vicos como Torrero.

Una vegada más, os bars d’o vico A Flama, Barrio Sur, Birosta y La Otra-Bocaus con rasmia organizan ista actividat con a fin de promover un consumo alimentario sano, chusto, natural, variau y rico. “O vechetarianismo ye una opción de vida, y aintro d’ista opción trobamos o veganismo, que excluye qualsiquier traza d’explotación animal”, dicen dende a organización”.

A ruta se ferá de vez en os quatre puestos d’o vico d’a Madalena, dende as 12:00 dica las 16:00 d’o sabado. A virolla penderá en tastar una tapa vechetariana u vegana y una bebida a lo pre de 2 euros. As tapas, igual como os platos feitos por istos bars, son feitas con productos ecolochicos y de puenda producius localment. En ista ocasión a tapa predominant ye a vegana, con un total de 18 propuestas diferents d’as 20 totals d’a Ruta (cinco por bar) contrimostrando a gran variedat de combinacions que se pueden cocinar sin fer servir productos animals.

 

Fuent: http://arainfo.org/2013/03/este-sabado-vuelve-la-ruta-de-tapeo-vegano-y-vegetariano-a-la-madalena/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.