Torna ta Zaragoza o ska-rock de Vendetta

Presentan o suyo tercer disco "Fuimos, somos y seremos" en a sala Arena Rock

Concierto de Vendetta en Marinaleda (Foto: Vendetta)

Concierto de Vendetta en Marinaleda (Foto: Vendetta)

A colla de Ska – rock Vendetta plega iste sabado ta Zaragoza, por segunda vegada, ta presentar o suyo nuevo tercer disco “Fuimos, somos y seremos (Atzo, gaur, eta bihar)”. Muitos d’os suyos components estioron en os miticos Skalariak, pero lo soniu ye bien diferent d’aquella banda, encara que contina estando-ie present o ritmo ska, barrachau con rock, reggae u mesmo country y pop.

Dimpués d’os suyos d’os primers discos, Vendetta y Puro Infierno, con los que trunforon, Vendetta torna t’Aragón con un disco con 12 cantas borineras y combativas. As suyas letras en euskera y castellano se unen a un ritmo ska chupiu de rock en un directo de muit buen bailar.

Os de Pamplona han feito cientos de conciertos en os poco más de quatre anyadas que levan existindo, notando-se a gran experiencia de totz os mosicos en bandas antis d’iste prochecto. A nueit d’iste sabado plegan t’a Sala Arena Rock de Zaragoza t’amostrar a suya mosica y fer pasar una sobrebuena nueit t’os asistents.

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.