Tornan as clases d’aragonés a o CRA Cinca-Cinqueta en Plan

A clase d'aragonés de Plan tien un blog an que amuestran todas as suyas actividatz y troballos

Con el ranque d’el curso 2010-2011, contina el prochecto d’aragonés empezipiau l’anyo anterior en el Colechio Rural Agrupau Cinca-Cinqueta en Plan. Situau en el Sobrarbe, y con un important patrimonio lingüistico de variedatz de l’aragonés, se troballa una propuesta baixo el prencipio d’emplegar l’aragonés en clase como luenga vehicular a traviés de diferents actividatz que s’integran y complementan con las atras arias.

En o blog s'amuestran os troballos d'a clase

En o blog s'amuestran os troballos d'a clase

L’obchectivo final ye guardar, promover y revitalizar l’uso de l’aragonés, incluindo-lo dentro de la escuela de forma significativa y atractiva ta es ninos. El curso anterior se van troballar contenius a traviés de las estacions de l’anyo, las tradicions de diferents localidatz (carnaval, trucos de San Antón), leyendas de la zona, el esquema corporal, animals…

Istas actividatz son replegadas en el blog de la clica d’el Cinca-Cinqueta.

Proyeuto Luzía Dueso

Es colechios que incluyen l’aragonés dentro de la escuela tienen acceso a’l “Proyeuto d’animazión cultural Luzía Dueso”, el qual tiene per obchectivo potenciar y dignificar l’aprendizache y uso de l’aragonés por meyo d’actividatz culturals ta es ninos. El zaguer curso, el CRA Cinca-Cinqueta va contar con la visita de “la Chaminera”, que van amostrar una serie de leyendas y cuentos tradicionals, y de la Orquestina del Fabirol, con un karaoke y un taller d’instrumentos tradicionals.

Fuent: http://aclica.wordpress.com/

3 Rispuestas a Tornan as clases d’aragonés a o CRA Cinca-Cinqueta en Plan

  1. Pingback: Tornan as clases d’aragonés a o CRA Cinca-Cinqueta en Plan « Cultura « Arredol - La Franja

  2. Yo, mesaches, que querez que tos diga. Que ortografia, que gramatica, quiers enseñar-lis a los ninos de Plan si entre toz emos estricallau lo poco que tenebanos. Podemos continar fendo la comedia, como si l’aragones estase una fabla biba o esistise un territorio an se charrase, pero cada chenerazion alza menos l’aragones que la que l’ha prezediu y lo recule ye cuasi definitibo. Y pa rematar, no sabes si escribir “proyeuto”, “prochecto”, “proxecto” o fer serbir cualsiquier atra grafia que li faya conzieto a bels afizionaus a la filologia (u filoloxia u filolochia), siempre que -condizion sine qua non, ¡profes!- siga diferen de la castellana. Como la canzioneta de Los Gandules: a-cas-ca-la.

  3. Ixo ye chusto o que no hemos de fer! Enta debant y per muitos anyos ixas clases d’Aragonés d’o CRA Cinca-Cinqueta.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.