Tornan as mascaretas t’Agüero, unatro anyo más

En a edición d'iste anyo i partecipa La Ronda de Boltanya

Iste sabado, 18 de febrero, Agüero cilebra la Fiesta d’as Mascaretas. Ista fiesta ye l’eixemplo más meridional d’os carnavals perinencos con os que comparte semellanzas y que, tras a suya recuperación en 2008, s’ha tornau en un referent obligau entre as muestras de carnestolendas más importants d’Aragón. A ronda con o Caracolero, as Mahas, os Pozaleros o u Monyaco de carnaval emplirá de tradición y machia la localidat. A fiesta prencipia de maitins con un taller de creyación de mascaretas, os antifaces de tela mascarada que gosan tapar as caras d’os participants en a fiesta y que guarancía l’anonimato en ista fiesta d’a transgresión.

L’acto prencipal d’a fiesta ye a ronda de mascaretas por as carreras d’Agüero, que rancará d’a Plaza Alta en companyía de La Ronda de Boltanya. En ista ronda se veyen disbraces historicos y con cerenyo gusto tradicional, belunos prou elaboraus y con sinyalers personaches como lo Caracolero u as Mahas. Istas soleban estar as mozas casaderas que se vestiban con as millors galas d’a indumentaria tradicional. En a comitiva, os ninos tienen muito protagonismo y portan xiringas (feitas de canya) con as que s’esfienden d’as enrestidas d’os pozaleros, hombres que s’adedican a espantar, fer bromas y provocar a os que participan en a ronda. Van con as caras mascaradas de negro, zaboyaus de pelellos y zamarras, y portando pozals con os que arruixian y arrullan sarratizos y confetis a os integrants d’a ronda, en a que viacha lo Monyaco de carnaval.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.