Tornan as protestas ta Echipto dimpués d’a condena a Mubàrak

O ex-president echipcio condenau a cadena perpetua por a muerte de manifestants y absuelto por corrupción

 

A Plaza Tahrir, o pasau noviembre (Foto: Anticapitalistes.net)
A Plaza Tahrir, o pasau noviembre (Foto: Anticapitalistes.net)

Miles de personas han tornau a salir t’as carreras ta desichir un castigo más furo t’o president echipcio, Hosni Mubàrak, qui ahiere estió condenau t’a garchola ta cutio por a muerte de manifestants mientres a primavera arabe. A simbolica plaza Tahrir s’ha tornau a emplir ista nueit con manifestants carranyaus no solament porque asperaban una condena más fura sino tamién porque seis funcionarios de seguridat son estaus absueltos d’os cargos de complicidat y Mubàrak y os fillos suyos, absueltos de corrupción.

Hosni Mubàrak estió condenau ahiere a cadena perpetura por o Tribunal Penal de Caire, que sentencia que Mubàrak estió complice de l’asesinato de quasi mil manifestants pacificos mientres as protestas en a Plaza Tahrir l’anyada pasada, que el ordenó reprimir. Una revuelta que prencipió o 25 de chinero de 2011 y que fació difuera d’o poder a Mubàrak un mes dimpués.

O tribunal tamién condena a cadena perpetua a l’ex-ministro d0Interior, Habibi al-Adli. Manimenos, absuelve a los fillos de Mubàrak, Alla i Gamal, acusaus de corrupción, y seis ex-comandants policias que formaban o nuclio duro de seguridat d’o ministerio d’Interior. D’a mesma traza, tanto Mubàrak como al-Adli son estaus absueltos d’os cargos de corrupción y desvio de fundos publicos que les n’acusaban. O Tribunal diz que istos cargos heban prescrito.

Mubàrak, qui gubernó Echipto mientres trenta anyadas, ye condenau dimpués d’un chudicio en un tribunal especial que ha durau dos meses. Con 84 anyadas, ye o primer dirichent chuzgau dende que prencipió a primavera arabe en prencipiando o 2011.

O machistrau remató a lectura d’o veredicto con un discurso a on que afirmó que as sentencia s’heban pronunciau ‘sin garra dubda’ ta meter fin a ‘trenta anyadas d’opresión’ baixo o rechimen de Mubàrak. ‘Pasamos de tocar fundo a convertir-nos en un faro t’a relichión. Dios ha achuntau os nuestros corazons ta dar-nos fuerzas’, dició o chuez, qui considera que a condena se feba dimpués d’un chudicio chusto.

Protestas en Caire y Alexandria

O historico veredicto ha chenerau protestas. De feito, os disturbios prencpioron en la mesma siede d’o tribunal penal de Caire, a on que familiars d’as victimas d’a represión y simpatizants de Mubàrak se concaroron. A policia cargó contra as dos collas de chent y quatre personas estioron detenidas.

As familais d’as victimas denuncian que las entencia ye masiau feble, ya que se podría haber dictau pena de muerte contra Mubàrak y os suyos subalternos.

Y en a Plaza Tahrir, simbolo d’a revolución d’a primavera araba, fuoron plegando-ie dende ahiere de tardis, cientos de manifestants ta protestar contra a sentencia d’o tribunal, que consideran amanau ta l’antigo rechimen. En Alexandria, a segunda ciudat d’o país, os manifestants tamién ha saliu t’as carreras ta desichir una purga en a chudicatura y l’aplicación d’a lei islamica.

Os manifestants consideran o veredicto una muestra de la manca de prous reformas en Echipto, y tamién bi’n ha muitos que han saliu ta protestas por a situación politica d’o país, que se ye parando t’a segunda tongada d’as eleccions presidencials y a on que os echipcios nomás tendrán dos opcions: un candidato islammista (Mohamed Mursi) y un ex-primer ministro de Mubàrak (Ahmed Shafiq).

 

Fuent: http://www.vilaweb.cat/noticia/4016867/20120603/tornen-protestes-egipte-condemna-mubarak.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.