Torreciella de Val Madriz tendrá dos anyos alcalde d’o PSOE y atros dos d’o PP

Miguel Ángel Rabinal rechirá o vico rural en 2012 y 2013 y Encarnación Martín totz dos exercicios siguients

Anviesta de Torreciella de Val Madriz. (Foto: Lucía López Marco)

Torreciella de Val Madriz tendrá alcalde socialista en 2012 y 2013 y d’o Partiu Popular en 2014 y 2015. Iste ye l’alcuerdo aconseguiu con os aspirants a alcaldes en iste vico rural dimpués que o pasau luns, 30 de chinero, a enqüesta ciudadana t’a designación d’o representant de l’alcalde arrullase 10 votos ta cada candidato. Amás, d’ista traza, se represienta a voluntat de totz os vecins que exercioron o suyo dreito a o voto.

Amás, dimpués de concluir os tres días hábils d’alegacions, se nombrará alcaldes a os aspirants más votaus en a resta de vicos rurals. Asinas, Antonio Gonzalo Aragüés (PP) será l’alcalde d’Alfoceya, José Ramón (Independient) será o d’a Cartuixa Baixa, José Luis Román (PSOE) de Casetas, Luis Miguel Roda (PP) de Garrapiniellos, Belén Fuentes (PP) de Chuslivol, Antonio Sabaté (PSOE) de Montanyana, Joaquín Tiestos (PSOE) de Monzalbarba, Ismael Abadía (PP) de Movera, José Antonio Hernández (PP) de Sant Gregorio, Adrián Gimeno (PSOE) de Sant Chuan de Mozarrifar y Ana Isabel Sancho (PP) d’a Venda de l’Olivar. Asinasmesmo, se designará alcaldes a os solos aspirants que concorreban por Villarrapa y Penyaflor.

Un total de 23.865 personas mayors d’edat participoron en a enqüesta ciudadana. Os candidatos progresistas obtenioron o 58,77% d’os votos frent a las candidaturas d’o PP que aconsiguioron o 39,31% d’os votos. As candidaturas d’o PSOE y PSOE-IU (8 PSOE y 3 PSOE-IU) aconsiguioron 2.652 votos (47,74% d’os votos), as candidaturas d’o PP obtenioron 2.184 votos (39,31% d’os votos), as candidaturas de CHA aconsiguioron 303 votos (5,45% d’os votos) y l’anterior alcalde d’a Cartuixa Baixa (Independient) 310 votos.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.