Torrero celebra “A fiesta d’o sol” con actividatz mientres tot lo diya

O parque d'a carrera Cuarte rebute todas las anyadas de vecins y actividatz

Actuación d'un dance en a Fiesta d'o sol de 2012

Actuación d’un dance en a Fiesta d’o sol de 2012

O zaragozano vico de Torrero torna a celebrar a plegada d’o buen orache con a ya tradicional Fiesta d’o sol. Ista anyada, a cita ye o 6 d’abril dende as 11 d’o maitin en o Parque d’a Carrera Cuarte. Dende ixa hora, y dica las dos d’a maitinada se i ferán arrienda actividatz y se podrán visitar os puestos de asociacions y artesanos que se i meterán.

De maitins, y dica las 16, a mainada será la protagonista. Bi habrá chuegos infantils y tradicionals, animación ta ninos y ninas y l’actuación d’o Teatro Arbolé. Tamién i tanyerá o Coro Libertario y a colla de folk aragonés Bucardo.

De tardis, dimpués d’a chenta y dica las nueu, se ferán conciertos de toda mena, teatro, dances, batucadas y diferents actos como un “chuicio popular de Blackies y morganas, u la prochección d’imachens sobre a represión policial. A chornada rematará con os conciertos de Vidriera Irreverente, Lagartojarto, Rockrider y KBKS.

Tamién se podrá tastar a chenta vegana por nomás tres euros que para la organización u os entropans y as bebidas que bi habrá en a barra ta poder autochestionar la fiesta.

Una rispuesta a Torrero celebra “A fiesta d’o sol” con actividatz mientres tot lo diya

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.