Tot presto pa que prencipien las X Chornadas d’a Bolsa de Bielsa

L'Asociación Sobrarbense “La Bolsa” ha organizau pa os diyas 17, 18 y 19 de chunyo en a Val de Pineta, as X Chornadas d'a Bolsa de Bielsa (Sobrarbe), con a celebración de numerosas actividadtz remerando a os cayius republicanos y a las personas que habioron de marchar camin d'o exilio.

Alex Ronco

Placa conmemorativa de la Bolsa de Bielsa (Foto: Arainfo)

Placa conmemorativa de la Bolsa de Bielsa (Foto: Arainfo)

Iste anyo se fa o 78 aniversario d’o zaguer conflicto belico, convertiu ya en reconoixiu feito historico en plena Guerra Civil, a on o exercito republicano luitó y resistió con valentía debant d’a ofensiva franquista.

Entre abril y chunyo de 1938, o Frent d’Aragón vivió un d’os episodios mes cruentos que se remató con a fuyida d’os republicanos d’a Val d’a Cinca. Quedando asinas, “la 43 División Republicana” de raso aislada d’o exercito republicano y con o consiguient debilitamiento dentre as fuerzas de combate.

A cayida de Bielsa en chunyo de 1938, dio lugar a la evacuación de 5.000 personas refuchiadas, que se unioron tamién a os mes de 20.000 aragoneses y aragonesas que heban fuyiu en marzo a traviés d’a muga con Francia.

Uns diyas dimpués d’a evacuación masiva, l’emparo francés a o exercito republicano plegó en a suya rematadura con a trancadura d’a muga mesmo a voluntarios y voluntarias, como a o suministro de material de guerra. D’ista traza, o 16 de chunyo de 1938 remataba iste triste pero valient episodio, a clamada Bolsa de Bielsa.

Asinas pues, como totzos anyos dende en fa diez, l’Asociación Sobrarbense “La Bolsa” ha organizau pa os diyas 17, 18 y 19 de chunyo en a Val de Pineta, as X Chornadas d’a Bolsa de Bielsa (Sobrarbe), y que incluyirá a programación de una ripa d’actividatz remerando a os cayius republicanos y a las personas que habioron de marchar camin d’o exilio.

Programación d’as X Chornadas:

Viernes 17

Arribada de participants a las chornadas y aloix en a zona.

20.30 horas. Se ferá una cena en honor a Manuel Azaña en o camping Pineta.

21.30 horas. En o camping Pineta, Philippe Guillén descendient de Casa Antoni de Chisten, charrará d’os suyos treballos d’investigación sobre qualques familias de republicanos aragoneses, os suyos desplazamientos y o suyo ingreso en campos de concentración franceses.

Sabado 18

8.30 horas. Salida d’o túnel de Bielsa – Aragnouet con l’obchetiu de Puerto Viello y bellas dos horas y meya de duración. En Puerto Viello desayuno de alforcha. Lectura de manifiestos y homenachea os que per aquí habioron de fuyir d’a guerra y o faixismo.

14.30 horas. Paella popular organizada per Casa Ruché en as piscinas de Bielsa.

18.00 horas. En memorial a os cayius de Bielsa, acto en remeranza d’a población civil d’o Sobrarbe y d’oPirineu Aragonés. Flors, daria de parolas y foto de familia.

18.30 horas. Enguero en Casa Larraga d’a Exposición “Aragoneses en el exilio republicano”.

19.00 horas. En o Concello de Bielsa tendrá lugar una charrada de l’Asociación de Recuperación de Memoria Histórica de Aragón (ARMHA), do parlarán d’os treballos ya realizaus y de futuros prochectos.

21.00 horas. En o camping Pineta se ferá una cena de chirmanamento entre Aragón y Francia pa dimpués fer una borina an que sonará a mosica.

Domingo 19

12.00 horas. En o salón de actos d’o Concello de Bielsa se ufrirá una charradafeita por o Circlo Republicano d’o Alto Galligo sobre “La 43 División Republicana” conoixida como ‘La Heroica’, que estió fundada en chunyo de 1937 agrupando a las Brigadas Mixtas 72, 102 y 130 y que mientres buena parte d’a guerra sirvió en o Frent d’Aragón.

14.00 horas. Chenta en Casa Matazueras de Bielsa y clausura d’asChornadas.

Articlo de  Sergio Gracia Solanas en Arainfo.
Traduciu per Alex Ronco.
Fuent: http://arainfo.org/todo-listo-para-que-den-comienzo-las-x-jornadas-de-la-bolsa-de-bielsa/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.