Tot presto t’a ueitena edición d’o Hestiv’Òc

A villa de Pau acullirá entre o 16 y o 19 d'agosto o festival Hestiv'Òc

 

Pasavillas por as carreras de Pau (Foto: Hestiv'Òc)

Pasavillas por as carreras de Pau (Foto: Hestiv’Òc)

A mosica, a danza, os esportes, o cine, o teyatro, as tradicions, os chuegos, a literatura, o canto y las danzas tradicionals tornarán a estar os protagonistas d’a capital d’o Bearn mientres quatre diyas. Iste festival ye a segunda cita cultural occitanista obligatoria de cada verano, dimpués de l’Estivada de Rodés, y ye organizau por l’asociación Accents del Sud con o refirme institucional d’a rechión d’Aquitania y d’o departamento d’os Pirineus Atlanticos.Estianyo será a ueitena edición d’o festival, naixiu en 2005 de man d’a iniciativa voluntaria d’Accents del Sud. Ista organización cultural pega a tener ueitanta personas voluntarias mientres os diyas d¡o festival. O trestallar as fainas entre collas de treballo ye a clau de l’existo de l’asociación. Cal mirar l’orichen d’o Hestiv’Òc mientres l’anyada 2003, quan dos socios fundadors viyoron o exito d’o Festival Interceltic d’a villa bretona d’An Oriant. Dito y feito. Una anyada dimpués l’asociación Acentos d’o Sur con a enchaquia d’empentar un festival que naixió en 2005.

A tamás de que a mayoría d’as actividatz se ferán en salas, cualques espectaclos se ferán tamién por as carreras de Pau. Cal sinyalar que fa dos ayadas o festival decidió de valorizar y espardir o cine feito en Occitania, ya que ye un d’os aspectos d’a cultura occitana que más le cal tener difusión ta consolidar-se como espacio normal de creyación.

Como en todas as edicions d’antes, bi habrá un espacio adedicau a atras culturals d’o Sur d’Europa. Asinas, a creyación y a mosica vasca, aragonesa y catalana tendrán o suyo espacio mientres o festival.  Bi serán, por eixemplo, Olga y los Ministriles, La Troba Kung Fu u Obrint Pas.

Se puet trobar toda a información y lo programa d’o festival en a suya web, ixo sí, nomás en francés.

Fuent: http://www.jornalet.com/noticia/623/tot-prest-a-pau-per-aculhir-l8a-edicion-del-hestivoc

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.