Trachedia en o Parque Natural d’o Moncayo

As flamas plegoron en ista zona de gran valor ecolochica y economica. 200 hectarias estioron pasto d'as flamas en un incendio que encara contina sin control

Os piors presachios se cumplioron en a chornada d’ahiere y o fuego que abanza sin control entre Calcena y Talamants s’adentró en o Parque Natural d’o Moncayo, a on ha calcinau unas 200 hectarias de xarramatas y pin choven. Fuents d’o Gubierno d’Aragón han confirmau que ya son 2.500 hectarias as que han estau pasto d’o fuego en una d’as mayors trachedias natuals d’a nuestra comunidat en os zaguers anyos. Por a suya parte, os vecins de Talamantes siguen desaloixaus por precaución y o suyo alcalde ha confirmau que o casco urbano no corre periglo.

As altas temperaturas y l’aire cambiant tornoron a estar mientres toda a chornada d’o martes o pior enemigo t’os meyos d’extinción que luitan contra as flamas. Os prencipals esfuerzos continan arredol de Talamants a on afortunadament a nueit ha dau un aliento y s’han puesto realizar labors de tallafuegos. Os meyos aerios destinaus a la zona han prencipiau a primer hora d’o maitín de hue os treballos quan a las 7:30 han prencipiau a volar o Kamov y a quadrilla de Brea. Dende as 8:30 totz os meyos aerios son treballando a pleno rendimiento.

Quan o sol s’amaga y istos meyos han de deixar de volar, as quadrillas terrestres son as encargadas de meter baixo control as flamas. En a nueit d’o martes a o miercols han estau presents 14 quadrillas aduyadas por 10 autobombas d’o Gubierno d’Aragón que mesmo s’han desplazau dende localidatz como Villanueva de Galligo. As seis autobombas d’a UME, y os meyos provincials rematan de componer un operativo de 150 personas.

Amás de litros y litros d’augua, os equipos d’extinción s’afanan en a reyalización de tallafuegos, quefer ta o que han emplegau seis maquinas bulldozer.

Fuent: http://www.aragon2.com/n-20126-3-Tragedia_Parque_Natural_Moncayo

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.