Tractau sobre o mercurio

Os delegaus de diferents paises presentón l'atra semana un borrador d'o tractau en Nairobi (Keinia) y s'aspera que se faiga servir como punto de partida ta las negociacións.

Autor: Ignacio Conejo

Os delegaus de más de 100 paises han escomencipiau a tercena ronda de negociacions en Nairobi (Kenia) ta un tractau churidicament vinculant sobre o mercurio. Organizacions No Gubernamentals preocupadas por temas tanto ambientals como de salut publica de tot lo mundo demandan a os gobiernos que prencipien a meter en marcha midas especificas ta aturar l’ola crecient de contaminación por mercurio en tot lo mundo.

„Prous opcións son dencima d’a mesa“, dició Elena Lymberidi-Settimo, Coordinadera d’a Colla de Treballo Mercurio Cero (ZMWG) y co-coordinadera d’a Oficina Europeya d’o Meyo Ambient. „Ye hora d’eliminar as opcións más febles en o camín enta la construcción d’un tractau firme sobre o mercurio“.
„Os gobiernos son quasi a la metat d’o proceso de negociación, por o que s’amenista que escomencipien a meter-se d’alcordo sobre aicións sinnificativas“, dició Michael Bender, d’o ZMWG y coordinador de Mercury Policy Project, en os EE.UU. „Sin una aición coordinada d’a comunidat entrenacional, a contaminación por mercurio continará menazando a las poblacions febles en tot lo mundo“

As ONG presents entienden que as aicións más sinnificativas ta conseguir un tractau firme, habrían d’obligar a eliminar l’emplego d’o mercurio en grand parti d’os productos y procesos industrials; aminorar o suministro mundial de mercurio por meyo d’a eliminación d’a minería d’o mercurio, y limitar de traza estricta lo comercio d’o mercurio a os pocos emplegos permitius en virtut d’o tractau; fer servir as millors tecnolochías de control disponibles t’aminorar as emisións de merurio; exichir a os gobiernos a puesta en marcha de plans d’aición t’amorar l’emplego y a liberación de mercurio d’a mineria artesanal d’oro a chicota escala; amillorar a capacidat global ta chestionar de traza segura os residuos de mercurio y dar rispuesta a os puestos contaminaus, a más de considerar os riesgos a las poblacións febles, y proporcionar os fundos que calgan quan d’ameniste aduyar a os paises menos desenvolicaus.

“A ocasión de prener midas audatz y decisivas ye platera”, dició Richard Gutiérrez, de ¡Fuera Toxicos!, en Filipinas, “Hemos d’enantar dende as valors eya establexidas, como son o principio de precaución, que qui contamina bosa, y a chusticia ambiental, d’entre atros”

Fuent: http://www.ecologistasenaccion.org/article21654.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.