Tranca l’unico semanario en asturiano

Les Noticies tranca la suya edición en papel dimpués de deciseis anyos y 768 numeros en os kioscos.

(Foto: lesnoticies.com)

O diario dichital Les Noticies ha publicau hue en a suya edición dichital que trancan a suya edición en papel dimpués de deciseis anyos y 768 numeros en os kioscos. A semana venient publicarán o suyo numero 769 y con ell van a deixar d’endrezar-se en papel a os suyos lectors, encara que continarán informando-nos de tot lo que pasa en Asturias dende o suyo diario dichital.

“Fa deciseis anyos pensemos, y continamos fendo-lo agora, que a información y a comunicación son alacetals t’o desenvolique d’o nuestro idioma; t’o nuestro desenvolique como pueblo y como país. Y ye verdat que l’esdevenidero se veye incierto pero, más que más por ixo, imos a continar apostando por a parola, imos a continar amillorando a nuestra edición dichital -en a que imos a continar veyendo-nos- y imos a reforzar as nuestras produccións audiovisuals, con as que explorar vías nuevas”, ha escrito hué Inaciu Iglesias, editor de Les Noticies.

Y ye que ista ye una muit mala noticia t’os que luitamos por comunicar en luengas minoritarias, t’os que creyemos en que atra traza de fer as cosas ye posible, t’os que charramos luengas en grau periglo d’extinción. A edición en papel de Les Noticies s’esbafa, pero no as ganas de continar luitando por o que ye de chusticia: escribir en l’idioma de cadagún, encara que no bi haiga guaire chent que lo charre. Porque ye platero que iste diario, que ye un referent ta nusotros, ha contrimostrau, como ells mesmos han dito, “que podiemos fer-lo, que podiemos fer periodismo y comunicación, y que podiemos fer-lo en o nuestro idioma, sin etiquetas”.

Dende Arredol, tenetz tot lo nuestro refirme. Entabant companyers!

Fuent: http://www.lesnoticies.com/lesnoticies/noticies/publicaciones-ambitu-anuncia%27l-fin-edicion-papel-les-noticies/9053#.TyFOxFQBbtg.twitter

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.