Rajoy gana a mayoria absoluta por a cayita historica d’o PSOE

O PSOE quita os piors risultaus d'a suya historia, mientres que Amaiur dentra con 7 escanyos

Rajoy saluda a os simpatizants populars en Madrid (Foto: Partido Popular)

Rajoy saluda a os simpatizants populars en Madrid (Foto: Partido Popular)

O PP de Mariano Rajoy obtiene a mayoría absoluta con 186 escanyos, puyando por dencima d’os resultaus d’a mayoría absoluta d’Aznar. Os populars con mas de 10 millons de votos han puyau 500.000 votos sobre os resultaus anteriors. Pero ha estau a fuerte cayita d’os socialistas, que han perdiu 4 millons de votos os que han feito que o PP tienga ixa mayoria.

O PSOE, segunda fuerza politica a ran espanyol, ha quitau 110 cadieras, o que fa o pior resultau d’os socialistas dende a fin d’a dictadura de Franco.

Tamién en Aragón os resultaus amuestran ixe cambeo electoral. O PP quita 8 escanyos (4 por Zaragoza y 2 por Uesca y Teruel), o PSOE en quita 4 (2 por Zaragoza, y 1 por Uesca y Teruel), mientres que a coalición CHA-IU en quita un por Zaragoza, encara que queda luen d’o segundo y d’os resultaus feitos por Labordeta con CHA en solitario en 2000 y 2004. Cal sinyalar tamién a puyada de UPyD en o país, con más de 40.000 votos, pero que no ha obteniu ripresentación parlamentaria.

A tercena fuerza politica en o Congreso espanyol será CiU, que ha ganau por primera vegada en unas eleccions espanyolas en Catalunya y puya dica os 16 escanyos. Dezaga d’ells IU, que recupera colla parlamentaria y puya dica los 11, contando os 3 en coalición con IC-V y l’aconseguiu con CHA en Aragón. Ixe zaguer escanyo no ye claro encara si sera d’ixa colla u pasara a la colla mixta mientres que Chesús Yuste siga o deputau en os venients dos anyos y seis meses.

Os resultaus en Pais Vasco y Navarra deixan a Amaiur como cinquena fuerza politica a ran espanyol, con 7 cadieras. Amaiur ha estau a segunda fuerza mas votada en o País Vasco, pero con un escanyo más (6) que o PNV, que quita 5, igual que UPyD, un partiu que reclama o cambeo d’a lei electoral porque con más d’un millon de votos, nomas ha teniu 5 cadieras, que no podran fer colla parlamentaria porque no plegan a o 5% d’os votos totals.

En a colla mixta (si no bi h a bells apanyos una vegada constituyiu o Congreso) s’arroclarán ERC, con 3 escanyos, BNG y Coalición Canaria con 2, y Compromís-Equo, Foro Asturias y Geroa Bai (ex-Nafarroa Bai), con un deputau.

Ye important tamién constatar a puyada d’os votos nulos y blancos a ran espanyol y aragonés. En Espanya o nulo ha puyau de un 0,64% a un 1,29%, y o blanco d’o 1,11% dica o 1,37%. En Aragón o nulo puya d’o 0,54 dica o 1,58%, por dencima d’o total espanyol, mientres que o blanco pasa de l’1,25% dica o 2,05%.

3 Rispuestas a Rajoy gana a mayoria absoluta por a cayita historica d’o PSOE

  1. argüellos d'Espanya

    Ya caleba! Espanya renaxe dimpués d’a miseria que nos ha traito o socialismo! Viva Espanya, a millor nacion d’o mundo!

    • Que vergonya que aiga chen n’Aragón que diga que lo PP baiga a fer renaixer Espanya, ¿remeras ixe embase de l’Ebro?¿te parixe normal que os Valenzians, os Murzians o qui siga tiengan o dreito de dezidir sobre os Aragoneses? l’Ebro no ye suyo, ni ye de nusatros os Aragoneses, ni de as chents d’o bal de l’Ebro, pero si bi ha que dezidir sobre el, semos nusatros. Y lo PP unico que puede fer ye trayer esferras y faixismo, no solo n’Aragón, sino en tot lo estau Espanyol, por que lo PP no ye atra cosa que l’eredero de ra mandarra falange collons

      • argüellos d'Espanya

        Rubén, o que fa vergüenya (pero solo que un poquet, tampoco no me s’enrábie vusté) ye o suyo livel d’aragonés. Amillore-lo e dimpués charramos d’o que le pete. Esprisions.

Deja un comentario

Tu dirección de correo electrónico no será publicada. Los campos necesarios están marcados *

Connect with Facebook

Puedes usar las siguientes etiquetas y atributos HTML: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.