Trastornos de suenio y desmotivación d’os astronautas que ‘fuoron’ ta Marte

Lo revela un estudio sobre os seis astronautas que simuloron mientres 520 diyas un viache espacial

astronautasO 4 de noviembre de 2011 seis astronautas salioron felices d’un modulo de 180 metros quadraus a on heban estau 520 diyas zarraus. Formaban parte d’un viache simulau d’as achencias espacials europea y rusa ta Marte, d’ida y retorno, ta comprobar a capacidat de resistencia d’o ser humano. Dimpués de mas d’un anyo, plega de publicar-se un estudeo alazetau en os resultaus de l’experimento, que indica que mientres l’enclaustramiento a mayoría de voluntarios experimentoron trastornos de suenio, cambeos d’humor, estrés y desmotivación.

A reducción d’horas de suenio, s’ha comprobau, convirtió a mayoría d’astronautas en individuos galvans y letarchicos, que reducioron l’actividat fisica, diz l’informe publicau en a revista Proceedings of the National Academy of Sciences, dica un estadio previo a la hibernación.

Mientres a misión, a tripulación pasó examens medicos, fisicos y psiquicos cada diya, ta determinar como afecta a os humanos un confinamiento d’istas caracteristicas. Ta combatir l’aburrimiento, disposaban de DVD, libros y chuegos electronicos. Tamién habioron de reaccionar, en metat d’o viache, a emerchencias como un incendio y una avería electrica.

Fuent: http://www.vilaweb.cat/noticia/4071784/20130108/trastorns-desmotivacio-astronautes-anar-mart.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.