Tres lugars d’a ribera d’o Galligo se queda sin augua por contaminación de lindano

O Gubierno aragonés considera que a mida ye preventiva dica que diminuyan os livels de lindano. O lindano ha puesto filtrar-se dende o vertedero de Bailín

Os lugars d’Ardisa, Santolaria de Galligo y Morán han visto como o Departamento de Sanidat d’o Gubierno aragonés ha viedau o consumo d’augua pa beber u cocinar debiu a la presencia de lindano en as auguas d’o río Galligo en valors que pueden afectar a la salut.

O departamento considera que as valors trobadas no son excesivas y que a mida presa ye preventiva dica que se recuperen as valors normals.

A presencia de lindano pareixe debida a o desmantelamiento d’o vertedero de Bailín en Samianigo, pleno de repuis de lindano procedents de l’antiga Inquinosa. O lindano podría haber-se filtrau dende astí t’o río.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.