Tres miembros de CGT Aragón detenius en Madrit en as protestas contra la corrupción

Os detenius podrían quedar en libertat iste lunes

Una d'as manifestacions d'istos diyas en Madrit (Foto: Voces del 99)

Una d’as manifestacions d’istos diyas en Madrit (Foto: Voces del 99)

Tres miembros de CGT (Confederación Cheneral d’o Treballo) d’Aragón y A Riocha estioron detenius en a nueit d’o sabado a o domingo, mientres as protestas que bi habió en Madrit contra a corrupción, dimpués d’haber-se conoixiu as zaguers informacions sobre os presuntos cobros en diners negros de dirichents d’o PP.

Iste lunes os detenius declararán en o Chudgau de Plaza de Castilla (Madrit), y asperan que se les deixe en libertat. Seguntes informa o sindicato, un d’os companyers podría tener una ferida en a man.

O sindicato, en un comunicau feito publico, ha expresau “o suyo refús debant d’ista nueva muestra de represión“. Antimás creye que “una vegada más, os feitos nos contrimuestran que a la estructura d’iste sistema le cal un poder politico y interpresarial que la vertevre ta que pueda subsistir y mantener o capitalismo. Un capitalismo que traye con ell a explotación laboral , o treballo no remunerau y alavez invisible d’os cudiaus, a negación d’una vivienda digna por dreito, una Amostranza Publica subsidiaria y a beneficiencia en l’acceso t’a Sanidat y Servicios Socials.”

Por ixo, claman a la chent a que “contine sumando-se t’as protestas socials y movilizacions en qualsiquier demba“, a “denunciar as inchusticias” y a fer-lo sin miedo “porque cada vegada somos más y ni os batans, ni as detencions podran aturar-nos”.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.