Tres personas detenidas en un acto d’a vaga de treballadoras de limpieza d’o Salud

A concentración en a consellería de Sanidat d'o Gubierno d'Aragón remata con bells incidents y tres personas detenidas

limpiezaSalud

Foto: AraInfo

Hue de maitins se celebraba una concentración en refirme a la vaga indefinida d’as treballadoras de limpieza de centros sanitarios d’Aragón, que cumple un mes, en a consellería de Salut en Zaragoza. Belunas d’as personas concentradas han prebau d’entrar en a consellería ta demandar una cita con o consellero de Sanidat, Ricardo Oliván, y demandar una mayor implicación d’o Salud en o conflicto laboral.

Manimenos a Policía Nacional espanyola ha tallau o paso a las vaguistas, producindo-se momentos de tensión y empentons en quedar-se as treballadoras zarradas entre as puertas d’entrada a la consellería. Una d’as treballadoras ha cayiu por tierra, y seguntes indican dende CGT, amenistó atención medica, demandó a identificación a o policía y dreitament la levoron detenida aintro d’a consellería.

Dos personas mas estioron detenidas a radiz d’istos incidents y unatra persona habió de recibir asistencia medica, afectada por un ataque d’ansiedat y taquicardia, pero sin complicacions. Dende os sindicatos, CCOO, UGT y CGT, denuncian que “a policía habría d’haber teniu un minimo de cudiau” en a suya actuación.

As detenidas, dos treballadoras y un mariu d’una d’as treballadoras, han estau tresladadas ent’a Chefatura Superior de Policía. Seguntes fuents policials, se les imputan cargos de desobediencia, resistencia a l’autoridat, atentau y alteración de l’orden publico. Istas mesmas fuents dan a cifra de tres achents lesionaus en os incidents.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.