Trobada a bandera d’o Consello d’Aragón

A bandera, trobada en un anticuario, podria ser a bandera de l'auto d'o President Ascaso

Bandera d'o Consello d'Aragón (Foto: V. Cazaña)

Bandera d'o Consello d'Aragón (Foto: V. Cazaña)

Hue, 19 de noviembre de 2011 en Caspe, dentro d’o ciclo de Chornadas “1936, l’anyo en que tot cambea” ha estau presentau l’unico eixemplar conoixiu de bandera aprebada en 1937 por o Consello d’Aragón.

A bandera ha estau presentada por l’investigador Agustín Martín, o tamién investigador Amadeo Barceló, de Caspe y por Ruben, un coleccionista d’articlos d’a guerra civil que la adquirió fa no guaire en un antiquario, y dimpués d’analisar-la, se dio cuenta que heba de veyer con a historia d’Aragón dimpués de descartar que estase catalana.

Presentación d'a bandera (Foto: V. Cazaña)

Presentación d'a bandera (Foto: V. Cazaña)

Clamó a un investigador d’Alcanyiz, que le metió en contacto con Amadeo Barceló, a qui ninvió una foto. Amadeo Barceló conoixeba por Julián Casanova que Agustín Martín buscaba a bandera d’o Consello, alazetando-se en esferents testimonios escritos. Dimpués de meter-se en contacto Amadeo y Agustín, plegoron a la conclusión inequivoca que ista yera a bandera d’o Consello d’Aragón, d’alcuerdo con a descripción feita en os boletins oficials d’o Consello d’Aragón.

A bandera presentada hue ye un banderin d’auto, seguntes Ruben, d’os que se meteban en os autos oficials. Os tres han coincidiu en lanzar a hipotesi que puede estar a bandera de l’auto de Joaquín Ascaso, president d’o Consello y suposan que estio furtada por un soldau franquista, como contrimuestra una chicota inscripcion que bi’n ha en un lateral d’a bandera.

15 Rispuestas a Trobada a bandera d’o Consello d’Aragón

  1. no m´en cuaca brenca , a sinyal d´aragon tenie que aber estau como l´actual.

  2. A la fin aparexió a nuestra “espada de Bolivar”!

    Ye prau fiera… pero me creigo que ya tardamos en fer-nos unas cuantas como ixa pero grans como un lienzuelo!

  3. De fiera en ye un ratet!

    Tiengo bellas dubdas tocant a las colors:

    – ¿Ye o sinyal republicano l’horizontal? A barra morada y as atras dos (royo y negro anarquista)

    – ¿Que significa o trianglo d’a cucha? ¿Por que i son as quatre barras aragonesas en vertical y no pas en horizontal?

    A veyer si belun/a puede aduyar-me con as mias dubdas…

  4. Por cierto, que ye “antiquario” y “alazetar”.

  5. argüellos d'Espanya

    Ni ye una bandera ni ye d’Aragón. Ademés, Joaquín Ascaso no yera que un criminal. ¡Si mesmo o gubierno d’a 2ª RIPublica lo detuvo per contrabando d’alfayas e atros delictos!
    Una region con a nuestra historia no precisa de simbolos inventatos ni amenista fer heroes a os delinqüents.

  6. Soy de alcuerdo, Aragón no amenista sibolos inventaus… basta con a bandera autonómica, Creyada por dios padre en o sesto diya d’a creyación, chusto dimpués d’a cocacola y a postura d’o misionero.

    A bandera, dende una ambiesta heraldica, ye efectivament una bandera espanyola tricolor que fa de base. Son cambeaus os colors, pero no as proporcions. Leva o royo y negro d’o sindicalismo, o morau d’os comuneros de castiella y un pico con as cuatro barras d’aragón. O escuto ye un pastiche que no consigue empiorar o oncunto…

    Y sí, ye una pena, a bandera d’o pollo ye una d’as banderas de España. E ixa que se veye en a foto ye una d’as banderas de Aragón, un país con muita historia que no amenista que dengún mira de resumir-la ni estractar-la decidindo o que vale y o que no, o que me cuaca y o que no, ixo ye historia ixatro no…

    • argüellos d'Espanya

      “basta con a bandera autonómica, Creyada por dios padre en o sesto diya d’a creyación, chusto dimpués d’a cocacola y a postura d’o misionero.”
      No sé si quiere fer vusté u gracioso u charra en veras, pero comparar a nuestra bandera con a cocacola no lo veigo yo guaire encertato, será que soi masa serioso.
      Le recuerdo que o sinyal d’os reis d’Aragon tiene sieglos d’história e que no ye comparable con a bandereta ixa que nunca no tenió voluntat de representar a toz os aragoneses e no tiene garra alacet historico.

  7. Os anarquista siempre dizioron que o CRDA no yera un gubierno, sino un organo de a reboluzión en marcha.
    Sin dembargo, iste siñal zeña en a endrezera contraria. Resulta que ye un banderín de l’auto ofizial de o Presidén de o CRDA y que se presentó en Caspe con un desfile de as fuerzas d’orden (u siga, polizía) de o CRDA.
    Puestar que siga fiero, pero contrimuestra que o CRDA no yera simplamén un organo de a reboluzión, yera de feito y de dreito un gubierno d’Aragón y asinas autuaba.
    O morau ye por a color, no pas de o Frente Popular, sino de a Republica, en ixe sentiu sí que coneuta con lo feito de que, en o siñal de a II Republica se i fica en remeranza de Castiella, pero l’alusión ye indireuta.
    A proporzión de as tres faxas no ye como a republicana, que’n son iguals, sino, curioso, parellanas a o siñal de o Rei d’España: a faxa central ye cuasi doble (en o siñal monarquico ye doble)
    Gaspar Torrente s’encarrañó asabelo porque o CRDA no adoptó as cuatro barras y quedó ta la istoria la suya proposa, refusada por o CRDA, de siñal ta l’estau aragonés: as cuatro barras con o cuatrón azul y a estrela blanca en meyo.

  8. Pingback: Encontrada la bandera del Consejo de Aragón | El blog de Chesús Yuste

  9. A yo, tampoco me cuaca brenca, ye fiera asabelo pero en ixas anyadas y con l’Aragón republicano prauticament en mans d’a CNT pue entender-se os colors royo y negro asinas como o color morau d’a Republica. D’o escudo no tiengo ni ideya que puè estar, imachino que o sol simboliza renaiximento, a punta de abaixo pareixe augua, a vida, pero fuera d’isto brenca. A verdat la sinyal, ta yo, ye un renax.

  10. sigrillo rodriguez

    Con todo el respeto del mundo, y me considero tan aragonesista como el que más de ustedes;¿entre tres y se matan? Que detuvieran a Ascaso, o a Durruti o a Federica Montseny en la segunda república es tan normal como que detuvieran a Jose Antonio Primo de Rivera. Los socialistas y comunistas odiaban a los anarquistas. Yo, sin embargo les respeto. Mi abuela me contaba de niño historias de Ascaso, de Durruti…pero no de asesinatos como los que perpetraban los comunistas…Los de la CNT en la segunda república, eran en su mayoría muy buena gente que realmente no encajaba, o no los querían, en ninguno de los dos bandos, y a quien los comunistas y socialistas fusilaban porque acostumbrados a matar con sus chekas, les costaba muy poquito buscar paredes.
    Si la bandera es de Ascaso, la respeto.
    Y lo que Aragón no necesita es tribus de perroflautas que buscan subvenciones; ni necesita gente que hable en foros en pseudo-aragones corrigiendo palabras recogidas, una en Hecho, la otra en Fonz y la otra en Mora de Rubielos.
    Por un Aragón grande, dejaros de chorradas.
    Si es que todos ustedes son ansotanos, perdón. Si es que hablan patués y no lo he comprendido, también.

  11. por un futuro...

    Lo que no amenista iste país y menos encara iste meyo ye chent que mos diga que fablamos u que deixamos de fablar. Y no tractes de fer politica con a chent d’as vals que’n lis fa a-saber-lo goyo a fayena que se fa por a resta d’Aragón por a luenga que ells han conservau mientres sieglos, que te se ve o plumero!
    Si tant te preocupa l’ansotano y o patués, aprende-ne y fe-te una favor en cuenta de malfurriar o tiempo decindo fatezas.

  12. Desincuse sinyor Sigrillo pero ixo de decir “con todo el respeto del mundo” ta dimpués faltar-nos de “perroflautas” o “subvencionaus” no ye guaire pincho.
    Ta yo, vustè no ye mes que un Chuanrraya o siga en a suya luenga: un “troll”.
    Bi ha bella cosa mes gran ta un pais que conservar a suya luenga? Ixa ye la traza de fer gran Aragón. Antimas, o sinyal no ye d’Ascaso, ye d’o Consello d’Aragón, ababol pseudo-facista, (con todo respeto del mundo). “Que se te o plumero” Pasallaaaaaa!!

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.