Trobada de trekkies en Zaragoza

Os fans de Star Trek fan toda mena d'actividatz sobre a saga de sciencia ficción

Caixas "Pez" de lamins con imachens de personaches de Star TrekMientres tot lo cabo de semana se ha celebrau en Zaragoza a XIV Espatrek, a convención anyal de fans de Star Trek, conoixius como trekkies. En l’Hotel Zentro d’a ciudat s’han feito buena cosa d’actividatz arredol d’a famosa saga de sciencia ficción; charradas, concursos, procheccions de capitols y peliclas, exposicions…

Como ye costumbre, muitos d’os novanta participants bi irán vestius con vestuaches de personaches d’a saga u mesmo caracterizaus como klingons u vulcanos. Os convidaus d’honor son estaus Richard Arnold, productor y guionista y os actors Vaughn Armstrong y Garret Wang. O primer ha anunciau que ya se ye treballando en una nueva cinta t’a saga, que talment s’estrene en 2012 y que dirichirá J.J. Abrams.

Ista saga estió creyada por Gene Roddenberry con a serie orichinal en 1966. Dende ixa calendata s’han feito cinco series, once cintas, libros, video chuegos y toda mena de material relacionau con o universo Star Trek y ya ye parti d’a cultura popular en meya planeta.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.