Troban o calavre d’o vecín d’Oliet desapareixiu

Cans d'a Guardia Civil y d'a UME troboron ahiere o calavre de Carlos Trallero en o río Martín, a uns 1.500 m. dirección Arinyo

A creixida por Oliet (Foto: @Juanjo_Toledo)

A creixida por Oliet (Foto: @Juanjo_Toledo)

O cuerpo sin vida de Carlos Trallero de 48 anyos, desapareixiu por as creixidas d’os ríos Martín y Seco provocadas por fuertes tronadas o pasau 3 d’agosto, estió trobau ahiere en o río Martín dirección Arinyo, a uns 1.500 m. d’Oliet. Os cans d’a Guardia Civil y d’a Unidat Militar d’Emerchencias (UME) ixolomoron o punto citau, trobando o calavre dimpués de desenronar o punto con una retroexcavadora.

Cients de vecins d’Oliet y d’atras localidatz han colaborau en a busca d’o desapareixiu mientres tot iste tiempo chunto a la Guardia Civil, Bombers y Protección Civil. Dende o Gubierno d’Aragón s’ha destacau “a colaboración de tot o mundo” destacando especialment a os vecins voluntarios, afirmando que s’ha contau con totz os medios posibles.

Carlos Trallero y a suya muller tornaban t’o lugar dimpués de cullir caragols quan les sorprendió a creixida. A muller consiguió salvar-se-ne, pero ell se viyó arrocegau dentro d’o vehíclo en que yeran.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.