Troban un calavre que puede estar o de Florencio Eworo

L'autopsia confirmará si o calavre trobau ye o d'o choven. Ha pasau un mes dende a desaparición d'o choven universitario

florencioHue, de maitinada, en l’entibo de Pina d’Ebro, un treballador que feba labors de limpieza en previsión d’o flumen d’o río por o temporal d’istos diyas, ha trobau un calavre que coincide con as caracteristicas fisicas d’o choven, de vez que coincide con a ropa que portaba. A Policía Nacional espanyola ha estau alertada y s’ha levau o calavre a que le faigan l’autopsia ta conoixer as causas d’a muerte y confirmar a identidat d’o choven.

Florencio Eworo desapareixió o pasau 14 d’aviento, a las 4:30 h. d’a maitinada dimpués d’estar de borina en o Casco Viello de Zaragoza con os suyos amigos y amigas. Dende alavez, dengún no ha sabiu mas d’o choven universitario de 21 anyadas, que teneba una grau discapacidat visual (arredol d’un 80%) pero que no le empachaba fer una vida normal.

Tanto a familia como os suyos amigos y amigas han feito una campanya de busca d’o choven por toda a ciudat y unidatz especials d’a policía han estau buscando en o río Ebro sin trobar-ne bayo. Manimenos ha creixida d’o río ha puesto quitar a flote o calavre.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.