Troban un cromosoma Y de 340.000 anyos d’un ancestro humano nuevo

Se troba una rariza rama chenetica d'o cromosoma Y humano de fa 340.000 anyos en un hombre recientment muerto en os Estaus Unius

cromosoma YChenetistas d’a Universidat d’Arizona, en os EE.UU., han descubierto, en un ciudadano afroamericano muerto recientment, una rama chenetica d’o cromosoma Y -o factor hereditario que determina o sexo masculino-, que sería a mas antiga trobada dica agora. Revela nueva información sobre l’orichen d’a nuestra especie, ya que ista rama ye dos vegadas mas antiga d’o que se pensaba: tien 340.000 anyos. Os primers restos humanos fosils modernos anatomicament datan de fa 195.000 anyos, de traza que o cromosoma Y (foto) trobau s’habría deseparau d’a suya estirpe muito tiempo antes.

O treballo, publicau por a revista The American Journal of Human Genetics, apunta que una posible explicación a ista teoría ye que fa centenars de millars d’anyos os humanos modernos y arcaicos en Africa central podrían haber-se mezclallau, adhibindo un nuevo eixemplo de mestizache, como en son os Neandertals en Orient Meyo u os Denisovanos en bell puesto t’o sudeste d’Asia.

Una analís d’ADN revelador

O estudeo tien l’orichen en una analís d’ADN d’un hombre afroamericano, resident en Carolina d’o Sud, que murió recientment. Una parient remitió una muestra d’o suyo ADN a una interpresa privada, Family Tree DNA, ta que analisase o suyo arbol chenealochico.

Os chenetistas fan servir istas muestras ta determinar como se relacionan entre sí os humanos. Existen centenars de millars d’analises realizaus, que han revelau que o ser humano poseye o cromosoma Y d’un antepasau masculino común que vivió entre 60.000 y 140.000 anyos ta zaga. A excepción ha estau o ciudadano de Carolina d’o Sud, ya que nunca no s’heba detectau un cromosoma Y como o suyo.

Cromosomas similars en Camerún

O chenetista d’a Universidat d’Arizona, Michael Hammer, fació unas prebas adicionals a o cromosoma que determinoron, seguntes replega NewScientist, que o muerto no baixaba d’o debantpasau masculino común, soque baixa d’atra estirpe que se deseparó d’as atras fa 338.000 anyos.

L’equipo d’Hammer examinó una base de datos africana con amán de 6.000 cromosomas Y y trobó similitutz entre a muestra de l’hombre de Carolina y atros 11 hombres que vivioron en un lugar en Camerún.

Fuent: http://noticies.sirius.cat/2013/03/troben-un-cromosoma-y-de-340000-anys-i.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.