Troban un discurso de Steve Jobs en que parlaba de mobils, d’iPad, de wi-fi, d’a boira… de 1983

Un blogaire norteamericano publica un fragmento inedito d'un discurso de fa trenta anyos

L’esprito visionario de Steve Jobs s’ha tornau a demostrar dimpués d’un anyo d’haber-se muerto. O blogaire tecnolochico norteamericano Marcel Brown ha descubierto un discurso inedito suyo de l’anyo 1983 -d’antis que o Macintosh salise a o mercau.

O cofundador d’Apple ya abanzaba ta par d’alavez telefons mobils intelichents, connexions wi-fi, aparatos parellanos a l’iPad i o concepto de descarga. D’a intervención de Jobs en a International Design Conference d’Aspen d’aquell anyo, ya n’i hai una gravación, pero no d’a sesión de preguntas y respuestas posterior. Y ista ye a parti que Brown ha publicau.

Fa trenta anyos Jobs ya preveyeba que a chent luego pasaría mas tiempo debant de l’ordinador (‘que esdevendrá mas que mas en un meyo de comunicación’) que no aintro d’o coche, y pensaba en ‘un fantastico ordinador d’a mida d’un libro que se podría portar a totz os cabos y que con vint minutos n’i habría prou ta saber-lo manullar’…, como l’iPad.

En as respuestas de 1983 Jobs tamién abanzaba que a chent accedería a ‘grans bancos de datos’ (a boira u ‘cloud computing’), gracias a connexions sin filo (wi-fi), y se declaraba convenciu que a venda d’ordinadors y de programas no se fería en as botigas, soque a traviés de descargas a distancia y vía telefonica. Ye decir, s’abanzaba a o concepto de comercio electronico y a l’aparición de l’iTunes Store, pilar d’o modelo economico d’Apple.

Jobs tamién mencionaba en 1983 un experimento d’o MIT que s’asemellaba muito a o servicio Street View de Google y parlaba de mosica en o rete y d’o reconoiximiento de voz, que consideraba ‘una qüestión complicada’.

Fuent: http://www.vilaweb.cat/noticia/4044934/20121005/troben-discurs-steve-jobs-parlant-mobils-ipad-wi-fi-nuvol-1983.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.