Troban una cinquena luna arredol de Plutón

Se suma a Caronte, Nix, Hidra y P4, as suyas atras quatre lunas

Plutón y as suyas lunas (Foto: NASA)

Plutón y as suyas lunas (Foto: NASA)

Con o telescopio espacial Hubble, d’a NASA, un equipo d’astronomos ha descubierto una atra luna orbitando a planeta enana Plutón. Os investigafors afirman que ye probable que a nueva luna, a cinquena de Plutón teinga forma irregular y mida entre 9 y 24 kilometros de diametro. Por agora, o clamau S/2012 /134.340)1, ye estay detectau en nueu conchuntos independients d’imachens presas por a camara de campo amplo 3, d’o telescopio  Hubble, o 26, 27 y 29 de chunio y o 7 y 9 de chulio.L’equipo de investigadors ye intrigau porque Plutón, estando una planeta tan chicota pueda tener una colección de satelistes tan gran. O nuevo trobo proporciona más claus que ferán honra ta aclarir como se formó o sistema de Plutón y como evolucionó. D’alcuedo con a teoría más refirmada, todas as lunas de Plutón son repuis d’una colisión que bi habió fa miles de millons d’anyadas entre ista planeta y un atro cuerpo de grans dimensions d’o Cinturón de Kuiper. (O Cinturón de Kuiper ye una zona de cuerpos chelaus, parellanos a Plutón, que orbitán dillá d’a orbita de Neptuno. Plutón mesmo ye considerau un obcheto d’o Cinturón de Kuiper).

A nueva observación aduyará a los invesitgadors ta que puedan rematar a nau espacial New Horizons, d’a NASA, a traviés d’o sistema de Plutón en l’anyada 2014, lo que será un inte historico muito asperau, mientres o que a nau sobrevolará o aluenyau mundo a gran velocidat.

O equipo d’investigadors ye estau fendo servir o telescopio Hubble ta rastreyar  con firme ficacio o sistema de Plutón ta identificar periglos t’a nau New Horizons. L’amanar-se d’a nau a la planeta enana, a una velocidat de 48.000 kilometros por hora si fa u nofa, podría ocasionar a destrucción d’a nau si se fote un trucazo con repuis orbitals tan chicotz como un prochectil d’una arma de chiquet calibre.

“O trobo de tantas lunas chicotas indica, de traza indirecta, a existencia de muitas particlas chicorronas que rondan, invisibles por o sistema de Plutón”, diz Harold Weaver, d’o Laboratorio de Fisica Aplicada d’a Universidat Johns Hopkins, en Laurel, Maryland.

“O inventario que somos fendo d’o sistema de Plutón, fendo servir o Hubble, ayudará a l’equipo de New Horizons en o disenyo d’una trachectoria más segura t’a nau”, adhibe Alan Stern, de l’Instituto d’investigacions d’o suroeste, sitau en Boulder, Colorado.

Caronte, a luna más gran de Plutón estió trobada en l’anyada 1978 en observacions feitas en l’Observatorio Naval d’os Estaus Unius, en Washington. Con as observacions feitas por o telescopio Hublle, en l’anyada 2006, se descubrió que ista planeta tien atras dos lunas chicotas: Nix y Hidra. En 2011, una atra luna, P4, estió trobada con os datos proporcionaus por o Hubble.

 

Fuent: http://noticies.sirius.cat/2012/07/descobreixen-la-cinquena-lluna-al.html

Deja un comentario

Tu dirección de correo electrónico no será publicada. Los campos necesarios están marcados *

Connect with Facebook

Puedes usar las siguientes etiquetas y atributos HTML: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.