“Tsunami” en l’Himalaya: 600 muertos y 13.000 desapareixius

Intensas plevias monzonicas, antes de l'asperau deixan centenars de muertos y mils de desapareixius en a India fundamentalment

inundacions himalayaPlevias monzonicas “nunca antes rechistradas” han provocau una esferra en o norte d’a India. As autoridatz luitan contra o tiempo ta rescatar a personas isoladas. As plevias torrencials que han afectau a India en os zaguers días siguen deixando cifras dolorosas en os rechistros historicos. Equipos de rescate recuperoron iste viernes solsticial decenas de cuerpos en o río Ganges, o que fa que as cifras de muertos por as inundacions y eslices de tierra s’amanen a os 600 y dica 13.000 desapareixius.

Amás, a organización internacional Action Aid dició que bi ha a lo menos 5.000 personas desapareixidas en o norte d’a India, encara que as autoridatz en charran mesmo de 13.000. Atras 50.000 personas han quedau atrapadas como resultau d’as plevias monzonicas que arrasoron con carreteras y casas. As autoridatz indias calificoron o fenomeno como “o tsunami de l’Himalaya”.

As cifras de muertos y ferius sin dubda aumentarán, a causa de que l’exercito encara no ha puesto plegar en zonas montanyosas remotas. Una parte important d’os muertos son turistas u pelegrins que visitaban santuarios en o estau d’Uttarakhand, do existen una ripa de templos hindús. As plevias i plegoron dos semanas antes d’o que ye habitual, desligando a trachedia.

Por culpa de l’agricultura industrial intensiva d’as corporacions

“L’exercito ha trobau 556 cuerpos, ya siga flotando u enronaus en o buro”, dició o ministro Vijay Bahuguna a tarde de viernes. “Iste tipo d’esferras nunca no heban pasau en ista zona d’os Himalaya“, ha adhibiu l’autoridat, que criticó a o Departamento Meteorolochico d’a India por no haber advertiu d’a trachedia que se i amanaba.

En l’operativo militar participan mas de 10.000 soldaus, con 43 helicopters. O treballo permitió que solament iste viernes estasen rescatadas 16.000 personas, tot y que as autoridatz asperan que os quefers s’estendillen encara por una semana mas. Manimenos, s’anuncian nuevas plevias t’os venients días.

Atras personas son atrapadas y imachens de televisión las amostran fendo un poder por salir-ne, aduyaus por soldaus y por medio de cuerdas, d’escarpadas cinglas. “As carreteras son destruidas“, dició o ministro d’Aduya indio, Jaspal Arya. A prensa asegura que isto estió a conseqüencia de que en a zona s’ha construiu sin respecto por l’entorno, destruindo selvas y dinamitando montanyas.

En Nepal, en tanto, tamién han sufriu os efectos d’iste fenomeno. O gubierno d’iste país informa d’a lo menos 39 muertos.

Fuent: http://noticies.sirius.cat/2013/06/tsunami-lhimalaia-600-morts-i-13000.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.