Tuzsa planteya forachitar a 150 personas

Lo fa publico o diya dimpués de sinyar l'alcuerdo con o Concello

Protesta d'os treballadors (Foto: Diagonal)

Protesta d’os treballadors (Foto: Diagonal)

Iste martes a dirección de Tuzsa entregó a lo comité d’interpresa un documento a on que s’informaba d’a nueva sociedat constituyida, clamada Autobuses Urbanos de Zaragoza SAU con a enchaquia d’a concesión d’a chestión d’o servicio publico en a ciudat de Zaragoza. En iste documento se comunica a lo comité d’interpresa la subrogación de tot lo personal deTuzsa, asinas como la calendata a on que se producirá la debantdita subrogación, o 18 de chulio d’estianyo.

Tamién se i fa referencia a que, dimpues d’a subrogación se prevei dos menas de midas: tractar d’o redimensionamiento d’a plantilla y no aplicar o convenio colectivo. “Ta rematar, y encara que a calendata legal de prencipio de consultas s’estableix t’o 19 de chulio, a interpresa planteya prencipiar os contactos de camín, pero de traza informal dende agora mesmo”, sinyala Javier Anadón, president d’o comité d’interpresa.

O Comité d’interpresa, en rematar una reunión, ha ninviau una carta t’a dirección demandado que s’enamplase a información de traza documental sobre os afers planteyaus, transmitindo “estar receptivo a mantener as reunions que calese”.

Anadón apunta que “no entendemos como un diya dimpués d’a sinya con o Concello de l’achuste que se i adchudica a nueva concesión, y a on que se anuncia o cambeo de sociedat y a subrogación d’a plantilla, se anuncia en prensa que se forachitarán mesmo 150 treballadors, entendemos que a traviés de fuents d’a intepresa. Ni que que se meta o tramvía haya de suposar ixamplar a tasa de desemplego d’a ciudat, con treballadors de Tuzsa”.

En iste sentiu, o comité d’interpresa exiche que o Concello de Zaragoza faya cumplir o pliego de condicions a ista interpresa ” a on que un requisito yera a subrogación de toda la plantilla y o respeto a las condicions laborals, socials y economicas que sinyó a interpresa en o convenio dica l’anyada 2014, a on que tamién se i replegaba o pliego. O pliego de condicions Tuzsa lo conoixeba d’antis, subastó por ell y le’n han concediu, ye  por lo que agora no entendemos que no se cumpla”, ha adhibiu Anadón.

Fuent: http://arainfo.org/2013/07/tuzsa-plantea-el-despido-de-150-trabajadores-tras-la-firma-del-nuevo-contrato-con-el-ayuntamiento/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.