UAGA demanda más control ta aturar os furtos en o meyo rural

Mientres os zaguers diyas bi ha habiu qualques furtos en bellas explotacions agricolas d'a Comarca de Carinyena

Obchetos furtaus (Foto: Guardia Civil)

Obchetos furtaus (Foto: Guardia Civil)

A Unión d’Agricultores y Ganaders d’Aragón, UAGA-COAG, demandó iste chueves una reunión con o Delegau d’o Gubierno espanyol en Aragón ta concarar a “ola masiva de furtos” en os zaguers tiempos en o meyo rural aragonés.

UAGA remera que en 2011, dende a Delegación d’o Gubierno espanyol se presentó a las organizacions agrarias y Cooperativas un plan de midas t’amillorar a seguridat en o mundo rural, que estioron valuradas de traza positiva, pero con as posteriors retalladas, o plan no se ye aplicando. “Encara que os agricultors y ganaders colaboren con as fuerzas de seguridat y denuncien qualsiquier feito, or furtos puyan diya par d’atro, repetindo-se mesmo en as mesma explotacions, en todas as redoladas aragonesas.”

Ye o caso d’a Comarca de Carinyena, a on que en os zaguers 20 diyas, antimás de asaltar as casetas ta ruixiar y pillar-ne gasoil, os ladrons han desmontau y levau vinte radiadors d’os cheneradors electricos, que a valura suya va entre os 1.500 y 1.800 € cadagún, antimás d’as perdas cheneradas en no poder ruixiar, dica mercar-ne de nuevos.

UAGA exiche, ta acotolar ista mena de delincuencia, un control riguroso d’os almagacens u botigas de zarrios a on que se vende o material furtau, igual como a reorientación d’a faina de totz os achents d’a Guardia Civil destinaus t’a seguridat ciudadana, bells 2.000 en Aragón. Ye decir, UAGA exiche os efectivos prometius t’a prevención, investigación y coordinación, que yeran os obchetivos d’o Plan.

 

Fuent: http://www.cronicadearagon.es/wordpress/?p=38573

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.