Ubierta a solicitut de becas de minchador escolar d’o concello de Uesca

As solicitutz se podrán presentar dica o diya 19. O presupuesto ye de 288.000 €, o mesmo que o pasau anyo

Foto: Concello de Uesca

Foto: Concello de Uesca

O concello de Uesca ha ubierto o plazo pa solicitar becas de minchador escolar en educación infantil, primaria y secundaria en iste curso 2014-15. As solicitutz, pa ninos y ninas que estudien en centros publicos y concertaus, se podrán presentar dica o diya 19 d’iste mes. O presupuesto d’ista anyada ye de 288.000 €, a mesma que fa un anyo.

Os beneficiarios han d’estar empadronaus en a capital uescana y no superar a renta estableixida (de 9.318 € pa una familia de dos miembros, dica os 19.606,55 pa una familia de 8 miembros u mas). Prou que en os centros do estudien os ninos beneficiarios habrá d’haber-ie minchador escolar.

Marta Escartín, concellera de Bienestar Social y Autonomía Personal comenta que “comprendemos que en tractar-se d’una aduya de tipo social, se pueda favoreixer a aquellas familias que son pasando un momento delicau“. Ha recordau que o pasau anyo se’n concedioron 455 de becas. As solicitutz s’han de presentar en en a siede municipal de Bienestar Social y Autonomía Personal, (Plaza de San Bernardo de Uesca), de 11.30 a 13.30 h., u tamién en o Centro Civico Santiago Escartín Otín en o mesmo horario.

Pa mas información puede consultar-se iste vinclo.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.