Ubierto lo plazo ta presentar-se t’o Interpenyas Pop/Rock

Ista anyada puyan os premios y o ganador ferá una chira por Aragón

basesO concurso Interpenyas Pop/Rock fa a suya sietena edición enamplando os premios y os scenarios a on que se ferá. Iste concurso tien l’ochetivo de ‘promocionar y espardir as collas de mosica emerchents  d’Aragón’.

Os scenarios d’ista edición serán l’Arena Rock, en a Plaza Utrillas, La Ley Seca, en a carrera Sevilla y La casa del Loco en a carrera Mayor, totz de Zaragoza. O pre t’o ganador s’enampla tamién. Antimás d’a grabación d’un disco, valurau en 3000 euros, y a dentrega de 500 Cd’s, a colla ganadera ferá una chira por Aragón con seis actuacions remuneradas ta poder fer-se conoixer en tot lo país.En a chira, i participarán tamién collas ganaderas en anteriors edicions como Las gafas de Mike, Hotel u Baskerville.

T’apuntar-se-ie se puet fer en a web d’Interpenyas u en as oficinas d’a Federación. A triga se ferá con un sistema doble de votación. D’una man votará o publico y d’atra un churau. Cada parti contará un 50%. O plazo t’apuntar-se-ie remata o 29 de febrero y a final se ferá en Abril en o Parque Torre Ramona

 

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.