Totz os colechios han ubierto, pero en 60 d’ells i habió problemas

Ubren os 1042 colechios electorals aragoneses. Os electors pueden trigar 13 diputaus y 12 senadors

Ubren sin guaire complicación o 99% d’os colechios electorals d’Aragón y Espanya. A plevia en buena parti d’o pais podria tener a suya repercusión en partecipación.

Colechio de Calaceit an que ha habiu boicot

Colechio de Calaceit an que ha habiu boicot (Foto: R. Matarranya)

Siete presonas han estau detenidas en Zaragoza por actos vandalicos en colechios electorals. En o colechio de Calaceite (Matarranya) a puerta ha amaneixiu siellada con silicona, lo que ha rezagau a constitucion d’a mesa electoral.

O delegau d’o Gubierno espanyol en Aragón, Javier Fernández, ha qualificau ista chornada electoral d’a mas complicada dende 2004 porque i hai habiu un numero important d’actos de chicota amonta, pero que, sumaus totz, han embolicau pro o día, con incidencias en mas de 60 colechios electorals antes d’a suya obridura en a ciudat de Zaragoza y atros puntos d’o pais, estando necesario utilizar a fuerza ta ubrir-los en 37 d’ells, un numero pro important.
Amás, i hai habiu incidencias en Andorra, Calaceite y Fraga.
Seguntes ha precisau, as prencipals incidencias han estau a presencia de silicona y *palillos en as zarrallas, que no han permitiu ubrir quan han plegau allí as personas que formaban parte d’as mesas electorals. En qualques casos, o propio conserche lo i heba resuelto, pero en atros no se podeba y i hai habiu que utilizar a fuerza.

Más d’un millón d’aragoneses tienen a posibilidat de ir ta os colechios electorals huei ta trigar ripresentants en o parlamento espanyol. Aragón tien paraus 1.042 colechios electorals, en 731 lugars y ciudatz. La más gran parti d’ells en a circunscripción de Zaragoza.

Son 6790 urnas que remaniran ubiertas dica las 8 d’a tardi, quan que prencipiará o recuento de datos. Por primera vegada votarán 38.308 electors que han feito os 18 anyos entre unas eleccions y atras.

En o total d’Espanya son más de 35 millons d’electors os que tienen en as suyas mans a composición d’o Parlamento espanyol, ta que istos decidan o gubierno d’a decena lechislatura dende a muerte d’o dictador Franco.

O delegau d’o Gubierno espanyol en Aragón, Javier Fernández, ha qualificau ista chornada electoral d’a mas complicada dende 2004 porque i hai habiu un numero important d’actos de chicota amonta, pero que, sumaus totz, han embolicau pro o día, con incidencias en mas de 60 colechios electorals antes d’a suya obridura en a ciudat de Zaragoza y atros puntos d’o pais, estando necesario utilizar a fuerza ta ubrir-los en 37 d’ells, un numero pro important.Amás, i hai habiu incidencias en Andorra, Calaceite y Fraga.Seguntes ha precisau, as prencipals incidencias han estau a presencia de *silicona y *palillos en as zarrallas, que no han permitiu ubrir os *centros quan han plegau allí as personas que formaban parte d’as mesas electorals. En qualques casos, o propio *conserje lo i heba resuelto, pero en atros no se podeba y i hai habiu que utilizar a fuerza..

Una rispuesta a Totz os colechios han ubierto, pero en 60 d’ells i habió problemas

  1. Ixe matután d’o governador ha quiesto culpabilizar a os indignaus d’as puertas ensiliconadas…

    Espero que siga un acto de miseria politica y que antimás de matutan no siga tan incpetent como ta no saper ni fer-se una imahcen de quien ha puesto estar…

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.