Ubuntu quiere fer cara a Android

Plega de presentar una versión d'o sistema operativo ta telefonos mobils intelichents

androidO sistema operativo Ubuntu, alazetau en o software libre Linux, ha presentau ista semana una versión adaptada ta telefonos mobils intelichents que quiere fer frent a Android, o sistema operativo de Google ta mobils. Ye previsto que d’aquí a unas quantas semanas o codigo d’o nuevo sistema se faiga publico ta que qui quiera lo pueda prebar y retocar en telefonos Samsung y que a zaguers d’anyo se puedan mercar os primers telefonos con iste sistema operativo ya instalau. Veyetz iste vidio de presentación.

Ubuntu tien una conduta de mercau comparativament reducida, pero desfruta d’una implantación significativa en PCs en determinaus colectivos defensors d’a cultura libre. Territorialment, de traza especialment remarcable, tien implantación en America Latina. En total, se calcula que uns vint millons de PCs funcionan con un sistema operativo Ubuntu. En o campo d’os telefonos mobils, en cambeo, o mercau ye absolutament dominau por Android (Google) y iOS (Apple), en tot o mundo.

T’o fundador d’Ubuntu Mark Shuttleworth, en declaracions a la BBC, os telefonos intelichents incorporan cada vegada mas procesadors como os d’os ordinadors portatils y, como dispositivo, o telefono tiende a superar a l’ordinador en horas d’emplego. Ye por ixo que Ubuntu ha decidiu de fer o blinco a os mobils. Y, amás, quiere fer-lo dando un trango entabant: ‘Nos abanzamos, porque con o nuevo sistema operativo d’Ubuntu se podrá acceder a la plataforma entera d’o PC dende l’usuario d’o telefono‘, ha explicau Shuttleworth, que vaticina que en o futuro, telefono y portatil rematarán estando un unico aparato.

Fuent: http://www.vilaweb.cat/noticia/4071065/20130105/ubuntu-vol-plantar-cara-android.html

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.