Ucraína ordena un alto o fuego unilateral

L'alto o fuego sería breu y os opositors a o rechimen de Kiev habrían de deixar as armas y podrían librement ir-se-ne d'Ucraína

Petró Poroshenko. Foto: Kathrin Möbius (CC-BY-SA)

Petró Poroshenko. Foto: Kathrin Möbius (CC-BY-SA)

O president ucrainiano, Petró Poroshenko, ha anunciau iste mierques que decretará un alto o fuego “unilateral” t’as rechions sudorientals d’o país, an que as tropas d’o gubierno de Kiev combaten a os activistas prorrusos. “O plan de paz prencipiará con a mía orden d’alto o fuego unilateral”, ha asegurau o mandatario en declaracions a la prensa.

L’anuncio de Poroshenko plega dimpués que mantenese con o suyo homologo ruso, Vladimir Putin, una conversación telefonica a zaguera hora d’iste martes en que abordoron midas ta un posible alto o fuego en o este d’Ucraína, seguntes informó o portavoz d’o chefe d’o Estau ucrainiano, Sviatoslav Tsegolko. Se tractaba d’o segundo contacto entre totz dos mandatarios dende que l’oligarca y multimillonario fuese eslechiu president d’Ucraína o 25 de mayo.

Poroshenko ha explicau a la prensa en Kiev que o suyo plan de paz “prencipia con a mía orden d’un alto o fuego unilateral”. “Habríanos d’aconseguir l’emparo a o plan d’o paz d’o president de totz os participants en os escayecimientos de Donbas”, como se conoixe a la zona en que se troban Donetsk y Lugansk, “decamín dimpués d’ixo”.

Poroshenko ha indicau que o plazo en que rechirá l’alto o fuego será “breu” y entre ixe periodo “os activistas opositors habrán de deponer as armas y aquells que lo deseyen podrán albandonar o país”.

Fuent: http://arainfo.org/2014/06/ucrania-ordena-un-alto-el-fuego-unilateral/

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.