Ueiteno mundial de parchis en Lo Grau

Se prevei que i plegarán más de 1000 visitants

cartelO lugar de Lo Grau se convertirá iste cabo de semana en a capital d’o mundo d’o chuego d’o Parchís en celebrar-se-ie a ueitena edición d’o campionato mundial d’iste chuego. 256 chugadors se retarán en a plaza d’o lugar en a categoría absoluta. Se calcula que, en iste cabo de semana, visitarán a localidat d’o Semontano bellas 1500 personas.

O torneu prencipiará a las 11:30 d’o maitin d’o sabado, dimpués de fer puyar, en a Plaza Espanya, o sinyal d’o parchís. O campionato ta ninos prencipiará ixa mesma tardi, dende as 17:00. O viernes se ferá tamién un taller de ecoparchís, ta que a catrinalla faiga as suyas propias fichas y tablers de chuego. Tamién se ferá a debantadera d’una exposición sobre iste chuego.

Bi habrá, antimás un concurso titolau ‘Parchiseros por o mundo’ a on que se convida a la chent a inviar fotos con o cartel d’o mundial arredol d’o mundo. As bases d’o mundial y tot lo programa se puet consultar en www.mundialdeparchis.com.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.