Uerva Rock, charradas y conciertos contra la esferra d’a Uerva

En a chornada se denuncio que A Uerva no tien o cabal minimo ecolochico

Ta esfender a Uerva d’a esferra ambiental y concienciar a totz os lugars d’a ribera d’o rio, iste cabo semana ha teniu lugar o Uerva Rock. Un festival que ye muito más que un festival, que ye una chornada de convivencia, conciencia y riflexion sobre a periglosa vida d’a Uerva, con a menaza pendient d’un trescole, o la situgación de l’entibo de Tosos. Seguntes la organización o “trescole d’a Uerva ye inchusto porque o rio no cumple o cabal minimo ecolochico asinas que no se le’n puede trescolar t’atra cuenca y menos con fins especulativos”.

Charradas y debates en o Uerva Rock (FOTO: Charo Giménez)

Charradas y debates en o Uerva Rock (FOTO: Charo Giménez)

Bellas 200 presonas s’amanoron a Muel ta chugar y fablar y bailar. En o diya se fación charradas tamién sobre a situgación en Mularroya, Yesa, l’Ebro u la menaza de l’autopista electrica en a Ribagorza. Una chornada que tamien s’emplego ta meter en contacto a las collas d’esfensa d’a tierra de tot o país, como Coagret, Río Aragón, Jalón Vivo u la plataforma contra l’autopista eléctrica.

El Último Skalón

El Último Skalón

Ya de nueitz a chornada esdevenio borina, con o concierto d’as collas El Último Skalón, Switch Over, Los Dañaos y El Aitor.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.