Uesca se manifiesta contra a reforma laboral

Manifestación en Uesca (Foto: The North Face)

Manifestación en Uesca (Foto: The North Face)

O diya de vada cheneral en Uesca remataba con una gran manifestación an que se chuntaban a convocatoria d’os sindicatos CCOO y UGT y os asistents en a manifestación d’o maitín convocada por CNT, CGT y SOA, asinas como o bicipiquete y a manifestación d’estudiants. Arredol de 5.000 personas uniban practicament o comienzo y o final d’o recorriu en un chilo unanime contra a reforma laboral.

A la fin l’acto, en una plaza Cervantes que quedó chicota ta acullir a tanta chent, dende as centrals sindicals s’ha leyiu un comunicau de valuración global d’a vada, o qual ha estau de siguimiento total u quasi total en as mayors interpresas d’as zonas industrials, l’amostranza tamién ha aturau quasi completament, sobre tot porque l’alumnalla ha secundau a vada d’estudiants tamién convocada, a construcción no ha quedau dezaga. Negativament destaca o comercio y a hosteleria, an o siguimiento ha estau especialment taso.

Finalment, as centrals sindicals han “deixau a pilota” en o tellau d’o gubierno espanyol ta que chestione y interprete o sentir cheneral de sociedat respective a la reforma laboral, menazando con puyar a conflictividat social si o gubierno asinas lo quiere.

Fuent: http://arainfo.org/2012/03/miles-de-personas-acuden-a-la-historica-movilizacion-de-la-tarde-en-huesca/

3 Rispuestas a Uesca se manifiesta contra a reforma laboral

  1. Chuntos semos més y a nuestra voluntat més cerenya. Agora més que mái, ye amenistable a chunta d’o movimiento obrero.

  2. Solamen endicar que no yera l’OSTA qui amanexio per a manifestazion. Bi-estio lo SOA, mas a mas perque yera conbocan.

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.