Uesca tendrá un equipo de voleibol en a segunda división

L'equipo, formau más que más por universitaires, s'ha reforzau con chugadors experimentaus como l'entrenacional bulgaro Miltcho Stilianov

 

Facultat de Sciencias d'a Salut y de l'Esporte d'o campus de Uesca (Foto: www.unizar.es)

Uesca cuenta ya con un equipo en la segunda división estatal de voleibol. O Universidat de Zaragoza-Atletismo Uesca, que se presentó ahiere, miércols 11 de chinero, en o Vicerrectorau d’o Campus uescano, disputará o suyo primer partiu en a ciudat o venient sabado, a las 10,30 horas, en o Poliesportivo Universitaire Río Isuela (Ronda de Misericordia, 5), contra l’Elaios de Zaragoza.

O nuevo equipo, empentau por a Universidat de Zaragoza y o Club d’Atletismo d’a capital altoaragonesa, tamién participará en o Campionato d’Espanya Universitaire, representando a la universidat publica aragonesa.
A plantiella, integrada más que más por estudiants d’os campus aragoneses, s’ha reforzau con chugadors externos d’entre os que destaca o bulgaro Miltcho Stilianov Milanov, 215 veces entrenacional con o suyo país. Esportistas orichinarios d’Archentina, Brasil, l’Estau Espanyol u o Sahara Occidental completan una formación que entrena Antonio Delgado Craviotto.

O Universidat-Atletismo Uesca estió presentau oficialment ahiere, miercols 11 de chinero, en o Vicerrectorau d’o Campus de Uesca (Ronda de Misericordia, 5). A Vicerrectora Pilar Bolea, o president d’o Club Atletismo Uesca Antonio Gutiérrez, o director d’o Servicio d’Actividatz Esportivas d’a Universidat de Zaragoza Alberto Sánchez Biec, y l’entrenador-chugador de l’equipo Antonio Delgado Craviotto han explanicau os obchetivos y orientación d’iste nuevo prochecto, asinas como a temporada que van a desenvolicar y presentón a la plantiella que lo conforma.

Fuent: http://www.unizar.es/actualidad/vernoticia.php?id=6603&idh=2178#

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.