UGT Aragón presenta un ERE que afectaría a 45 treballadors

Quasi a metat d'a plantilla podría perder o suyo treballo.

Julian Loriz, Secretario  Cheneral de UGT Aragón (Foto: UGT)

Julian Loriz, Secretario Cheneral de UGT Aragón (Foto: UGT)

O comité “rechional” de UGT (Unión Cheneral de Treballadors) en Aragón aprebó iste lunes os suyos presupuestos ta l’anyada 2013, a on que se replega a posibilidat de fer un ERE (Expedient de Regulación d’Emplego) que podría afectar a dica 45 treballadors d’iste sindicato que’n conta con 101 en tot lo territorio aragonés. D’os 45 treballadors, bi’n habría 29 tecnicos y 10 administrativos.

S’ubre agora un tiempo de 30 diyas de negociacions y consultas ta viyer como s’articula o ERE. A primer reunión se ferá o chueves 24. No ye a primer vegada que UGT fa servir un ERE ta prebar d’escoscar as suyas cuentas. Ya en marzo de 2012, forachitoron a 20 treballadors y bi habió un ERE temporal ta toda a plantilla mientres 56 diyas.

O sindicato quier con istas midas cabidar 1.000.000 d’euros  en iste exercicio. O suyo presupuesto ta ista anyada ye de 5,6 millons d’euros, un 20% menos que en 2012. A perda de ingresos, seguntes fuents d’UGT, ye debida más que más, a la perda de convenios con as administracions publicas.

Una rispuesta a UGT Aragón presenta un ERE que afectaría a 45 treballadors

  1. Zerina m'en fa

    Ye farto envolicau qu’un sendicato faiga un ERE quan li van as cosas de malas ta la metat d’a suya plantiella y pretenda convencer-nos de que encá ye un buen representant d’os treballadors.

    L’ature en Espanya se debe en buena parti a la graniza cantedat d’EREs qu’han estato aprebatos sin guaires requisitos. Un sendicato que només premite sino que tamián aplica ixa mena de midas contrarias a los intreses d’os treballadors no puet estar un buen representant nuestro.

    Cutio bi’n ha de alternativas a un ERE. Ignorar-las ye propio d’interpresarios, no pas de sendicatos. Ye como lo PSOE, sin garra credibilidat ya.

Responder a Zerina m'en fa Cancelar respuesta

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.