Ultimatum d’a UE a Bosnia ta que aprebe una Constitución sin exclusions etnicas

Una sentencia de 2009 d'o TEDH da a razón a un ciudadan chodigo y a un atro chitan que deciban que a Carta Magna les discrimina politicament

Edificio d'o gubierno de Bosnia-Herzegovina, en Sarajevo (Foto: Wikipedia)

Edificio d’o gubierno de Bosnia-Herzegovina, en Sarajevo (Foto: Wikipedia)

Si Bosnia y Herzegovina quier continar o camín t’a integración europea, habrá de tener lista una proposa ta modificar a suya Constitución antis que no remate o mes. Ye o requerimiento que le ha feito a Unión Europa si o país d’os Balcans quier que dentre en vigor l’alcuerdo d’asociación con a UE, que agora mesmo, se troba en fase transitoria. O cambio desichiu por Bruselas ye relacionau con una sentencia ganada por un ciudadano chitán y un chodigo en o Tribunal Europeu d’os Dreitos Humans. (TEDH)En a sentencia, de 2009, o TEDH daba a razón a Dervo Sejdic y Jakob Finci en un chuicio que heba prencipiau en 2006. Os dos ciudadans argumentaban que a Constitución bosnia les discriminaba porque, seguntes o texto, nomás os ciudadans etnicament bosnios musulmans, serbios u croatas pueden presentar-se ta estar esleixius t’a presidencia d’o país u t’a Casa d’os Pueblos (camara etnica d’o Parlamento). O TEDH sentenció que Sejdic, chitán, y Finci, chodigo, efectivament yeran discriminaus por ista disposición.

A Unión Europea quier que Bosnia y Herzegovina esmiende a suya Constitución ta que qualsiquier ciudadan pueda presentar-se a lo cargo de president y a la Cambra d’os Pueblos. Ixo, manimenos, trenca con un d’os precarios equilibrios que o país balcanico mantien dende 1995 entre bosnios musulmans, serbios y croatas: a Casa d’os Pueblos incluye cinco representants de cadagún d’os pueblos mayoritarios d’o país y a presidencia d’o país ye colechiada entre un representant de cada comunidat.

Os requerimientos europeus son esclaters: a proposa d’esmienda constitucional ha d’estar presta antis que no remate iste mes, y o cambio ha d’estar aprebau en siede parlamentaria como muito tardi, o 30 de noviembres. Pareix un reto que no pueden concarar os partius politicos bosnios que, en a suya mayoría, son definius en terminos etnicos. Un dato: as fuerzas politicas d’o país tardoron 14 meses en formar gubierno dimpués d’as eleccions d’octobre de 2010, y l’executivo que’n surtió no duró ni meya anyada.

Balcani Caucaso apunta que os partius prebarán de salvar a situación ficando-ie cambios superficials (“cosmeticos, diz o diyario dichital especializar en l’area balcanica) ta que a UE accepte a candidatura bosnia. Acal apuntar, antimás un entrepuz adhibiu: Bruselas tamién desiche que en os diferents rans administrativos de Bosnia (beluns en mans d’os bosnios musulmans, atros de croatas y atros de serbios) practiquen un “mecanismo efectivo de coordinación” que permita que o país “charre con una sola voz” debant d’as institucions europeas. Ixo, a UE lo quier antis que no remate octobre.

Fuent: http://www.nationalia.cat/ca/noticies/1198

Deja un comentario

Tu dirección de correo electrónico no será publicada. Los campos necesarios están marcados *

Connect with Facebook

Puedes usar las siguientes etiquetas y atributos HTML: <a href="" title=""> <abbr title=""> <acronym title=""> <b> <blockquote cite=""> <cite> <code> <del datetime=""> <em> <i> <q cite=""> <strike> <strong>

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.