Un anyo d’a muerte de Labordeta

Cantadas populars, chigants y movimients en os retes socials remeran huei a José Antonio Labordeta

Fa huei un anyo moriba en Zaragoza José Antonio Labordeta. Dende o zaguer cabo semana s’han veniu fendo homenaches, cantadas populars y actos ta remerar a o cantautor, poeta y politico que metió voz a Aragón y que con as suyas cantas dispertó a conciencia d’un pueblo dormiu. O pasado sabado se reuniban en Zaragoza 500 presonas ta cantar unatra vegada más o “Canto a la libertad”, “Somos” u “Aragón”.

Cantada popular en Zaragoza (Foto: Primo)

Cantada popular en Zaragoza (Foto: Primo)

Pero no ha estau l’unico homenacha. Encara que no i habra garra acto oficial, en atros lugars y ciudatz d’Aragón tamien se remerará a Labordeta. Os Andarines d’Aragón facioron ahiere una andada por o centro d’a ciudat de Zaragoza y o cantautor Joaquín Carbonell ha convocau un brindis popular, de tardis, en un bar zaragozano.

Tamién os retes socials tendran a suya importancia, y dende o suyo zaguer partiu politico, CHA, s’ha feito una crida ta que os aragoneses charren de Labordeta en retes como twitter y facebook, a traviés d’o hashtag #labordeta.

O cabo d’anyo d’a muerte de Labordeta plega amás con a polemica sobre l’himno d’Aragon. PAR y PP viedoron con os suyos votos o pasau diya 15, que as Cortz aragonesas podesen debatir sobre a ILP, sinyada por mas de 24.000 presonas, ta que o Canto a la Libertad estase o himno nacional.

Un cabo d'anyo ta continar luitando

Un cabo d'anyo ta continar luitando

Con José Antonio Labordeta marchó fa un anyo parti de l’alma d’iste país. Marchó lo cantautor que mos fació recuperar l’autoestima d’estar aragoneses. Marchó lo poeta de voz profunda en o disierto. Marchó o politico que deciba lo que totz pensabamos, y de vegadas, lo que no pensabamos. Se mos marchó fa un anyo a voz más reconoxible d’Aragón. A suya forma d’estar, tant libertaria, li feba dicir o que pensaba y sentiba carranyando bella vegada, mesmo a os amigos, pero Labordeta estio, por dencima d’ixo, a voz que mos facio sentir, vivir, creyer, soniar a libertat y repensar Aragón.

2 Rispuestas a Un anyo d’a muerte de Labordeta

  1. Un abrazo en el recuerdo de Labordeta desde Euskal herria.

  2. Nunca te olvidaremos, Jose Antonio.
    Gracias.

Responder a claudinovino Cancelar respuesta

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.