Un artefacto esclata en a Basilica d’o Pilar de Zaragoza

Se desconoixe qui ha meso a bomba, que pareixe de fabricación casera

A plaza d'o Pilar acordonada (Foto: @torresburriel)

A plaza d’o Pilar acordonada (Foto: @torresburriel)

A las 13:50 d’iste miercols, un artefacto ha esclatau aintro d’a Basilica d’o Pilar de Zaragoza causando danyos materials en uns bancos y una ferida en un d’os oyius por o rudio. A policía ha feito desaloixar a tot estrús a Basilica y a Plaza d’o Pilar y as carreras d’arredol, quedando parti d’Echegaray y Caballero tallada t’o trafico de personas y vehiclos.

En l’inte d’escribir ista noticia contina sin saber-se guaire sobre l’artefacto, encara que a mas gran parti d‘as informacions sinyalan que yera artefacto explosivo basau en una bombona de camping gas. Se desconoixe l’autor u autors y tampoco no lo ha reivindicau garra persona u colla.

Os TEDAX, expertos en explosivos y a policía, aduyada de cans, han feito una ampla busca en a ilesia y a redolada, zarrando tamién o parking d’a Plaza. Entre as 16:00 y as 17:00, o cordón policial ha iu achiquindo-se y tornando a poder circular-se por as carreras d’a redolada.

 

Una rispuesta a Un artefacto esclata en a Basilica d’o Pilar de Zaragoza

  1. Pingback: Un artefacto esclata en a Basilica d’o Pilar de Zaragoza | AraInfo | Achencia de Noticias d'Aragón

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.