Un autobús que iba t’a convocatoria d’o 25S dende Zaragoza aturau por a policia

Mientres una hora a policia espanyola ha estau fendo rechistros. A la fin l'autobus ha conseguiu salir enta Madrid

cartelUn autobús organizau por a Marea Roya ta ir ta Madrid ta unir-se a la convocatoria d’as protestas d’o 25S que se i ferán iste diya ye estau aturau por a policía espanyola mientres quasi una hora. Os achents, que i son plegaus en seis furgonetas, no han deixau a los viachers fer servir os suyos movils mientres bi yeran.

Seguntes informaban beluns d’os presents, en o rato que i son estaus aturaus, os viachers han habiu de baixar d’o bus en collas de cinco personas, identificar-se y vuedar as suyas pochas y mochilas. Tamién i han pasau os cans ixolomando l’autobús y o paramento. A la fin, l’autobús ha puesto empecipiar o suyo viache, una hora dimpués d’o previsto.

Dende atros puntos de l’estau, como Motril u Salamanca, tamién informan de rechistros parellanos. O congreso espanyol d’os diputaus ye rodiau de tot por a embute de policia y bi ha muitos problemas ta amanar-se-ie. En Zaragoza, bi ha una concentración convocada a las 19:00 en a Plaza d’o Pilar ta refirmar a convocatoria d’o 25S

Deja un comentario

Tu dirección de correo electrónico no será publicada. Los campos obligatorios están marcados con *

Connect with Facebook

Arredol s'alza o dreito de moderar os comentarios que no rispeten os dreitos y libertatz fundamentals. Arredol no ye risponsable, en garra caso, d'as opinions feitas en os comentarios por os lectors.